It jonge Fryslân

Sangen en rimen fen jonge Fryske skriuwers

[p. 19]

Foarút!
fen
S.S. Koldyk.

Op, foarút yn 't ierdske libben;
Iwich stribje mar nei mear;
Fier it yn de wrâld to bringen;
Trachtsje altiid nei greater dingen;
Jeije aloan nei rom en ear.

O, lit det myn leuze bliuwe
Op myn hiele libbensrin;
Mei ik moed en krêft bisitte,
'k Scil se net forroastje litte,
As 'k er nut mei stichtsje kin.

Krij ik simmes ûngelokken;
Krij ik tsjinspoed of fortriet;
Mei' my swiere slagen treffe,
'k Wol dêrboppe my forheffe,
En mar hoopje op better tiid.

[p. 20]

 

Giet it my nei 't sin yn 't libben;

 

Hab ik folle foar de wyn,

 

Dêrom wol ik dochs net rêste;

 

Wrotte en stride wol 'k ta 't lêste,

 

Det 'k myn lok yn d' arbeid fyn.

 

 

 

Mat ienkear de dei oanbrekke,

 

Dy 't myn ierdske libben slút;

 

'k Hoopje, ús Lieawen Hear hjir boppe

 

Scil my den ek wer ta roppe:

 

‘Kom, stean op! 't Is wer: foarút!’