It jonge Fryslân

Sangen en rimen fen jonge Fryske skriuwers

[p. 5]

It jonge Fryslan.
fen
P.J. Troelstra.

Nou wolle wy mei sang en klang

It bloisel fen ús herte

Op 't alter fen it heitelân,

As earstling-offer sette.

Yn d'âlde tiid droech 't jongfolk graech

De swiere gleaune swirden;

't Wier hjar in ear, for 't heitelân

't Yn striid en noed to hirden.

't Wier hjar in njue, jin oarmans krêft

For d' erfgroun mânsk to striden;

It wier hjar rom, for 't heitelân

Op 't slachfjild dea to blieden.

Yn mylder tiden libje wy;

Us bloed hoecht net to streamen;

De frydom fen ús heitelân

Heart ta forfleine dreamen.

[p. 6]

 

Mar foel it ryk fen Fryslân wei,

 

Dêr 't freamden lof fen telden,

 

Yet libbet yn ús heitelân

 

It neiteam fen dy helden.

 

 

 

Yet libbet d' âlde Fryske tael

 

Op tûznen Friezne tongen;

 

Yn hjar hat mannich Fries fen al

 

Hwet goed en wier is, songen.

 

 

 

En wol fen 't Suden ek in sé

 

Fen freamdsin ús oerdekke,

 

De tael bliuwt ús in fêste hâld;

 

Hja scil dy weagen brekke.

 

 

 

Dos wolle wy mei siele en sin

 

Us oan dy sprake wije,

 

En - mat it - for hjar rom en ear

 

By Fries en Unfries lije.

 

 

 

Sa scille wy, lyk as by âlds,

 

For 't lieawe heit'lân fjuchtsje;

 

En earst de kâlde, stomme dea

 

Scil disse kamp bisljuchtsje!

 

 

 

Ljouwert, Simmermoane 1881.