Het Brussels moeselken
(1659)–Eustachius de Meyer, Petrus Suetmans–
Auteursrechtvrij
[pagina 182]
| |
En doen hem druck, noch pyn,
Die 'tbeste kan bescheet doen,
Die sal hem 'tminste leet doen,
En sal hy dienstigh zyn.
3. Heeft iemant een Beminde,
Dat hy 'them onder-winde,
Te drincken tot haer eer,
En die daer een ghebreck heeft,
Dat hy niet als een geck leeft,
Maer drinckt soo veel te meer.
4. Laet vry de oorloghs knechten,
Met roers, en deghens vechtens,
Wy stryden met de kan,
Men kent hier gheen vyanden,
| |
[pagina 183]
| |
Die 'tnat giet door syn tanden,
Is hier een oorloghs man.
5. Gheen scheut sal ons bedrieghen,
Terwyl de teughen vlieghen,
Van ieders borst, op borst,
Die 'tbest het lyf sal waeghen,
Sal 'tbuyckxken vol t'huys draeghen,
En slaepen sonder dorst.
6. Heeft iemant lust in 't roocken,
Die magh een pypken smoocken,
Want daer op smaeckt den dranck,
En die den neus wilt deucht doen,
Het snuyfken sal hem vreught doen,
En maecken hem 'tleven lanck.
| |
[pagina 184]
| |
7. Sa vrinden laet dan schincken,
En houdt noyt op van drincken,
Want 'tis al ons ghemoet,
Van gheenen druck te sterven,
En noyt gheen vreucht te derven,
suypt elck u vol en soet.
Snotus dotus was ghewoone,
Allen dagh te wesen sat,
Neus, noch back-huys, was noyt schoone,
Maer beseervert, altydt nat,
Daer-om is 't hem over-komen,
Dat de kinders an de straet,
Hebben desen thoon ghenomen,
Siet 'tis snet-dolf die daer gaet,
|
|