Het Brussels moeselken


[Een Enghels soet ghesicht, heeft myn gedachten]
Stemme. Cincq ou six beuveurs. &c. Een Enghels soet ghesicht, heeft myn gedachten, Bestreden, en verwonnen door de min, Myn lieve Phillis myn vrindin, Heeft my ghewont met sulcken krachten.
[pagina 60]
Dat alle myn goet, Myn leyden, en myn quaet, En lust van myn ghemoet, In haer handen staet. 2. Naer dat van de klaer blixems van haer ooghen, Een geynster vonckxken in myn herte sloegh, Al-tydt ick dese smerte droegh, Die my nu noch 'tghemoet doet hooghen, Onder haer ghewelt, En brandende ghebiet, Ben ick als dys dat smelt, 'tWelck de son besiet. 3. Liefste roemt dan vry van de victorie, Dat ghy al-soo sterck my hebt ghewont.
[pagina 61]
Soo ghy my salft, en maeckt ghesont, Het sal u wesen meerder glorie, Want die iemant wont, Die doet hem smert, en peyn, Maeckt ghy my ghesont, 'tSal u prysbaer zyn. 4. Ghy verdient den lof, Eerweerde Heldinne, Dat ghy my hebt ghequetst, en 'thert gheraeckt, Maer soo ghy 'tself ghesont weêr maeckt, Soo houd' ick u voor een Goddinne, Keert dan 'tsuer in't soet. En weest myn medecyn, Myn ziel, myn goedt, myn bloet, Sal u looningh zyn.