Sommighe nieuwe schriftuerelicke liedekens
(1599)–Frans vander Straten de jongere–
Auteursrechtvrij
[Folio P3v]
| |
nae de wijse: Ick roep u O hemelsche Vader aen, &c.
Ga naar voetnoot+WY vinden claer gheschreuen staen,
Twelck is tot onser leere,
Hoe den Jonghelinck is ghegaen
Al naer des Schrifts vermaen,
Wilt hier wel acht op slaen,
Mijn suster in den Heere.
Hy vraechde hem met woorden coen,
Goede Meester verheuen,
Wat sal ick hier toch moeten doen,
Dat ick mach sijn behoen,
Ende naer dit saysoen,
Ga naar voetnoot+Met v mach eewich leuen.
Christus sey, ghy weet de gheboden wel,
Ghy en sult niet begeuen,
V niet begeuen in ouerspel,
Niet stelende rebel,
Vader en moeder snel,
Eeren ende niet sweeren.
En ghy sult vwen naesten saen,
Ga naar voetnoot+Als v seluen beminnen,
Hy seyde dit hebbe ick al ghedaen,
Van mijnder jonckheyt aen,
Hy en ist niet wederstaen,
Laet ons dit wel versinnen.
Och suster moghen wy al hier,
Met den Jonghelinck spreken,
Dat wijt hebben ghedaen seer goedertier,
Ja in alder manier,
Al door der liefden fier,
Ick vinde my in ghebreken.
| |
[Folio P4r]
| |
Doen heeft den Jonghelinck gevraecht, Ga naar voetnoot+
Wat mach my noch ghebreecken,
Want niemant ouer my en claecht, Ga naar voetnoot+
Hoort wat hem is ghewaecht
Twelck hem niet en behaecht, Ga naar voetnoot+
Alsoot wel is ghebleecken.
Christus die heeft tot hem gheseyt, Ga naar voetnoot+
Alsoo wy moghen lesen,
Vercoopt al v goeden planteyt, Ga naar voetnoot+
Ende maeckt v bereyt,
Maer onghehoorsaemheyt,
Heeft hy hier in bewesen.
Want hy hadde veele goet, Ga naar voetnoot+
Dies is hy wech ghetreden,
Wy mercken bedroeft in zijn gemoet,
Och suster zijt dit vroet,
Wat de giericheyt doet,
Aen de Christenen leden,
Sijn wy nu van sijne leden teer,
Soo moeten wy ons wachten,
Van giericheyt naer Christus leer
Ons daer, en nemmermeer,
Begheuen al te seer,
Want hy weet onse ghedachten.
Maer hebben wy lieuer desen schat
In onse aerden vaten,
Soo verlaten wy den enghen pat,
Naer die Hemelsche stat,
Wat mach ons baten dat,
Wy moeten hier oock al laten.
Maer laet ons lieuer naer Paulus woort,
Ons lichaem bedwinghen,
| |
[Folio P4v]
| |
Om hier te wandelen soo't behoort,
Ga naar voetnoot+Recht in de nieuwe herboort,
Ende alle van nu voort,
Door d'enghe poorte dringhen.
De poorte is enge en den wech is smal,
Gaet ons Christus verhalen,
En veele daer naer arbeyden sal,
Hoe mach dit commen al,
Wy mercken die naer t'getal,
Oock discipulen waren.
Daeromme en ist hier niet te sien,
Aent uytwendighe wesen,
Maer naer den geest dat dincke mijn
Can men den Boom besien,
Waren wy sulcke lien,
Geestelicken by desen.
De Heere die wil ons geven raet,
Op dat wy mogen mercken,
Hoe dattet inwendich met ons staet,
En altijt hauden maet,
Ga naar voetnoot+Mijn Suster delicaet,
In woorden en in wercken.
Ga naar voetnoot+ Oorlof laet ons leven naer Christus wet,
En hem loven en dancken,
Van zijne liefde hier wel op let,
Malcanderen oock al te met,
Ghedencken int ghebet,
Ga naar voetnoot+Hier als vruchtbare Rancken.
Een dinck is noodich al vooren,
Dat is, dat niet en is heeft God vercooren.
Door I. B. ☞ ☞ |
|