Sommighe nieuwe schriftuerelicke liedekens
(1599)–Frans vander Straten de jongere–
AuteursrechtvrijNae de wijse: Het naket eenen Mey, alsoo lieflick eenen Mey, &c.ICk sau wel willen dichten,
Een liet ent wesen mach,
Om mijn droefheyt t'verlichten
t'Verdriet van desen dach,
Gepeyns en swaer douleur compt my bestryden,
Inwendich aldermeest soo moet ick lyden.
Tot God soo moet ick gewagen,
Beclaghen mijn swaer verdriet,
Ick cant qualick verdraghen,
Het lyden dat my gheschiet,
Van buyten heb ick strijt van binnen vreese,
O Heere ghebenedijdt laet my geen weese.
Becommert en ellendich,
Soo ben ick menichmael,
Mijnen strijdt is onendich,
Ghedeurich dats t'princepal,
Want mijn siele is seer moe van leven,
Haest u O heer wilt my ghenade geven,
Vertroost my in ellende,
Laet my genade ontfaen,
Op dat ick tot den ende,
Gheloovich mach blyven staen,
Stantvastich vroom een licht seer claer omschijnen,
Al lyde ick noot en laet my niet verdwijnen.
En hebt O lieve Heere,
| |
[Folio K5v]
| |
Gheen behaghen in mijn verdriet,
Als ick my tot u keere,
En weygert mijn smeecken niet,
Maer wilt doch deur de Fingers sien sachtmoedich,
Dat bidt ic u Heer op mijn knien ootmoedich.
Ick buyghe de knien mijns herten,
Maer O Heer gans onbequaem,
In mijn lyden en smerten,
Aenroep ick uwen naem,
Nochtans ben ic onweerdich hoort my spreken,
Och het gecrockhte riet en wilt niet breken.
Mocht ick O Godt verheven,
Een woort spreken tot zijnder tijt,
Waerom machmen niet leven,
Sonder aenvechtinghe ofte strijt,
Ist den Satan met zijn listen mispresen,
Of compt den Engel des Heeren ons onder wesen,
Hoort tot wat ick heesche,
Ende al mijn ghewin,
Och haelt my uyt den Vleesche,
Lieve Heer ist uwen sin,
Maer uwen wille moet geschien vol weerden,
Inden hemel t'allen tijen en opter eerden.
O Godt goet van snatueren,
Desen wech valt my soo swaer,
Och wilt my doch regieren,
Deur uwen Geest eerbaer,
Een leven wil ick lee-en lijtsaem verduldich,
Och heer vergeeft my doch dat ic ben schuldich.
Op dat ick mach door treden,
Vroom als een reyne Maeght,
O Godt wapent mijn leden,
| |
[Folio K6r]
| |
Doch voor my sorghe draeght,
Want ghy zijt Rijck van bermhertichede,
Och heere doet my bystant haelt my in vrede
Prince ick en cant niet helen,
V te groeten voor een slodt,
Soo wil Ick bevelen,
Onsen lieven Heere godt,
En trijcke woort zijnder ghenaede,
Dat beveel ick u vroech ende spaede,
In deucht verheucht,
☞ ☜ |
|