Sommighe nieuwe schriftuerelicke liedekens

Een ander

nae de wijse Abraham den Goeden vader.

ICk ben deurwont int herte binnen,
Van mijn lief gracieus
Die Ick met siele en lijf beminnen,
Men sinnen Coragieus,
Dats Christus glorieus,
Volmaeckt wijs en verstandicht,
Lievelick goet soet ende valiandich,
In mijn lieueken reyn amoreus,

Vierich heeft hy my therte ontsteken,

Met zijnder minnen gloet
Ick cant niet laeten van mijn lief t'spreken,
Hoe wel nijders onvroet,
Sulcx int herte wee doet,
Sy en connent oock niet lijden,
Met mijn lief so wil ick my verblijden,
Ick en mijn lieueken soet,

Schoon lief yemant mochte vraghen,

Van waer comt die swaerheyt,

[fol. K6v]

 

Dat nijders niet connen verdragen,

 

Liefs liefde vol eerbaerheyt,

 

Gheeft antwoort met bescheyt,

 

Nijders die zijt bevonden,

 

Listich, twistich, leugenachtich van gronden,

 

Mijn lieveken is de waerheyt.

 

Princelick lief in liefde volcomen,

 

Sydy en anders gheen,

 

Ghy hebt my lief in liefs liefde aengenomen,

 

Spijts die nijders onreen,

 

Ick en mijn lief zijn een,

 

En sullent oock wel blyven,

 

Met m' lief soo wil ick vreucht bedrijven,

 

Eeuwelick sonder afscheen.

      Door M. D. C.

   ☞   ☜