Sommighe nieuwe schriftuerelicke liedekens
(1599)–Frans vander Straten de jongere–
Auteursrechtvrij
[Folio G7r]
| |
Nae de wijse: Babel is nu ghevallen.Ghy Adams kinderen cleyne, Ga naar voetnoot+
Hoe compt dat ghy dus crijt,
Deur christum zijt ghy reyne,
Want hy heeft u beurijt,
Dus weest te vreen,
Ghy zijt soo Cleen,
V vader die is soo goet,
Hy heeft u uytvercoren,
Verlost al met zijn bloet.
De Moederlicke herten,
Staen haer kint by in noot,
Sy lijden oock groote smerten,
Al eer dat kint wert groot
Alst t'kint wert aut,
Dan werdet staut,
Spaert dan de roede niet,
Wilt die stadich ghebruycken,
Of ghy compt int verdriet,
Ghy mannen en ghy vrauwen,
Op u kinderen wel past,
Onder bedwanck te hauwen,
Ter wijl dat het op wast,
Dat salt u fijn,
Ghehoorsaem zijn,
Gaet haer voor na Gods woort,
En leert haer Christum kennen,
Eert in sonden versmoort,
Sy moeten zijn herboren,
Als sy crijghen verstant,
Oft sy waren verloren,
De nieuwe herboort,
| |
[Folio G7v]
| |
Satan verstoort,
De strijt is dan seer groot,
Al die dan wert ver wonnen,
Valt in d'eewighe doot.
Laet ons met nieuwen tonghen,
Louen Gods naem altijt,
Een kint van Joncx ghedwonghen
Sijn Ouders seer verblijt,
Alst gheschiet meest,
Al inden gheest,
Maer niet wt vleesch noch bloet,
Want dat en sal niet stichten,
Dus siet wel wat ghy doet.
Wt droefheyt most ick dichten,
Dit liet al ist niet lanck,
Ofte yemant mochte stichten,
Al tot een kinder sanck,
Oorlof int slot,
Haut Gods Ghebot,
En Blijft by Christus leere,
Daer aen salmen bekennen,
Dat hy is uwe Heere,
☞ ☜ |
|