Sommighe nieuwe schriftuerelicke liedekens
(1599)–Frans vander Straten de jongere–
Auteursrechtvrij
[Folio G4v]
| |
Nae die wijse: Bedroeft eelendich hebbe ick ghesneeft.GHedronghen ben ick in mijn gemoet,
Een liet te dichten wt liefden soet,
Hoe datmen nu // al sonder gru,
niet leven en mach,
Die Godt wil dienen nacht en dach.
Ga naar voetnoot+ Alsoo't wel blijckt in elck quartier,
Die naer wil volghen t'lam goedertier,
Die wert benijt // verjaecht niet spijt,
Als een die daer,
In alle boosheyt leeft voorwaer.
Ten rechten heeft Paulus wel gheseyt,
Tot Timotheus met claer bescheyt,
Die leuen wil // godsalich stil,
In Christo fijn,
Die moeten hier veruolghet zijn.
Ga naar voetnoot+ Als ick in boosheyt leefde fel,
En liep van deen sonde in d'ander snel,
Dan hebben sy, ghepresen my,
Dit wel aen siet,
Tot dat ick schiet, wt sulcke verdriet.
Aldus lach ick al totter doot,
Ghewont in veel perijckel groot,
Niemant van haer, en quam my naer,
Met olye goet,
Om te cureeren zijt dies wel vroet.
Als ick sach en merckten claer,
Den cleeynen troost dien ick van haer,
Hebbe ontfaen, so liep ick saen,
Deur groot ghe-pijn,
Al tot een ander medecijn,
| |
[Folio G5r]
| |
Doe ick nu seer hadde gheschreyt,
Quam daer by my deur lijtsaemheyt,
Wt liefden saen, een Samaritaen,
Met Olye ras,
Daer mee dat hy mijn wonden ghenas.
Als ick dit nu alle hebbe ghesien,
Die my hier voormaels hoort mijn bedien,
Met haer lieden een, hielden soot scheen,
In goet accoort,
Van haer verdreven ben ick nu voor.
Om dat ick niet en wilde saen, Ga naar voetnoot+
Den levendighen Godt af gaen,
En sweeren Cloeck, deur haer versoeck,
Eenen eet seer groot
Dwelck men niet doen en mach op die doot.
Ghelijckmen leest Matheus claer,
Daer Christus spreeckt int openbaer,
Ghy en sult niet, hoort mijn bediet, Ga naar voetnoot+
Sweeren wie dat sy,
Dan Jae en neen, en blijven daer by. Ga naar voetnoot+
Maer die werelt quaet van dangier,
Versmaet nu gods woorden schier, Ga naar voetnoot+
En naer haer lust, leven sy gherust,
In onverstant,
Och heere bietse toch uwe hant.
Oorlof mijn vrienden van herten reyn,
Fondeert u op Christum den steyn,
En op menschen raet, toch niet en staet,
Als een die sneeft,
Maer blijft by hem die daer eewich leeft.
Door Staes Batemans. ☞ ☜ |