Sommighe nieuwe schriftuerelicke liedekens
(1599)–Frans vander Straten de jongere–
AuteursrechtvrijOp de Wijse: Wilt ghy met my rijden, Oft wilt ghy met my gaen, &c.D'Oude cromme Slanghe,
s'Menschen wederpartije,
| |
[Folio A6v]
| |
Bracht ons den doot seer banghe,
Deur sonde en Vileynye,
Vrouch doet hem wederstant,
Door het Geloof valliant.
Int herte die daer slapen,
Saeyt hy zijn bose saet,
t'Vleesch lust doet hy raepen,
En veel begeerte quaet,
Maer wilt hem wederstaen,
So sal hy van u gaen.
Gheen ghehoor wilt geven,
t'Serpent listich en loos,
Die door valich ingheven,
Ons temteert int boos,
Segt so Christus heeft ghedaen,
Satan wilt van my gaen.
Doot onder u die Sonden,
En zijt daer van een Heer,
Blijft van haer ongebonden,
Consent geeft haer niet meer,
Laet u weder-partye,
Niet hebben Heerschappye.
Die der Sonden leven,
Brenghen die Siele in noot,
Tot t'Vleesch lusten haer gheven,
Die schaffen haer den doot,
Dus wilt naer s'Geest beraen,
Dijns vleesch lusten afstaen,
Die onvernuftich levet,
In alle lusten breet,
Als een Heyden snevet,
Die van Godt niet en weet,
Sullen met sware pijn,
| |
[Folio A7r]
| |
Hier naer gheoordeelt sijn.
Men moet deur Godts genade,
Die wy hebben ontfaen,
t'Vleesch lusten vrouch en spade,
Alle tijdt wederstaen,
Daer mede bethonen fijn,
Dat wy begenadicht zijn.
Wie can u schaden letten,
Neemt ghy van t'quaet afkeer,
Voor u sal hy hem setten
Die Herder u goede Heer,
Also dat u niemant,
Sal nemen uyt zijnder Hant.
Van alle die ons haten,
Heeft ons die Heere bevrijt,
Zijn goetheyt boven maten,
Die sy gebenedijt,
Dus willen wy vry en vranck,
Godt dienen ons leven lanck.
|
|