Sommighe nieuwe schriftuerelicke liedekens
(1599)–Frans vander Straten de jongere–
AuteursrechtvrijOp de Wijse: Ghelooft sy God die Heere, ghepresen tot alder tijdt.COmt Vrienden inden Heere,
Hoort al te samen mijn vermaen,
| |
[Folio A5v]
| |
Verstaet uyt Godes Leere,
Op dat ghy voor God meugt bestaen,
Sijt Godts woort aendachtich,
In den Heere weest verblijt,
Danckende God almachtich,
Dat ghy in hem gelovich zijt,
Die Godt alder genaden,
Die Vader der barmherticheyt,
Die heeft u nu ontladen,
Van alle u ongerechticheyt,
Verschenen is zijn genade,
V die zijn Vyant waert,
Verlost van allen quaden,
Sijn deuchden moeten zijn verclaert.
Die Liefde is niet om gronden,
Die god die Vader heeft vertoont,
Synen Soon heeft hy ghesonden,
Den selven oock niet verschoont,
Voor ons overghegeven,
Tot inden schandelicken doot,
Op dat wy souden leven,
Ghevrijt zijn uyt allen noot,
In Hemel noch op d'aerden,
En was niemant so goet,
Hoe heylich, groot, van waerden,
Dat onbefleckt Lameken soet,
Dat reyn offer verheven,
Heeft alleen genoech ghedaen,
Hier uyt so wort beseven,
Gods gherechticheyt verstaen,
Die sonde is wel te myden,
En alle ongehoorsaemheyt,
Die ons tot allen tijden,
| |
[Folio A6r]
| |
Brengt in groter swaericheyt,
Vuyt haer so is gheresen,
Die Doot, onse vyant quaet,
Och vrinden uyt-ghelesen,
In vreesen Gods die wederstaet.
Die God niet en vreesen,
Moghen niet ghemaeckt zijn,
Rechtvaerdich, so wy lesen,
Ten baet oock genen loosen schijn,
Noch eenighe quade perten,
Hoe listich en bequaem,
Eenvoudicheyt des herten,
Is Gode alleen aenghenaem.
Wilt ghy u niet bedrieghen,
Horende doet na Godes Woort,
Dat en sal u niet lieghen,
Gaet in oprechte weghen voort,
So meught ghy u verblyden,
Getroost zijn ende onbevreest,
Een goed conscientij t'allen tijden,
Heeft blyschap inden heyligen geest.
Wie can u dan oock letten,
Als ghy altijt naer t'beste staet,
Als alle u opsetten,
Gans niet en volgen t'quaet,
Maer in Gods wel behaghen,
Vesticht ghy u dats claer,
In alle u aenslaghen,
Wert ghy bevrijt van alle vaer.
|
|