Wisconstighe gedachtenissen. Deel 2: van de meetdaet

[p. 169]

Seste bovck der meetdaet,
van tverkeeren der grootheden in ander formen.

[p. 170]

Alsvlcke vvaerschuvving als vvy ghedaen hebben int begin des 3 boucx vande vier afcomsten der grootheden, soodanighe salsich hier oock verstaen op haer verkeering, vvant ghelijckmen inghetalen de ghebrokens van verscheyden noemers seght verkeert te vvorden in ghebrokens met een selve noemer, t'vvelck nochtans eyghentlick niet anders en is dan te vinden ander ghebrokens even andeghegheven ende met even noemers: Alsoo en vvorden de ghegheven grootheden self niet verkeert, maer men maeckt ander formighe grootheden met haer even, t'vvelck vvy hier verkeering heeten: Ghelijck oock inde ghebruyck is te segghen vande viercanting des rondts, brantsnees, slangtreck plats, of maens, daer by verstaen vvort een viercant te maken even an een ghegheven rondt, brandtsne, slangtreckplat, of maen.