Vrouwelick cieraet van Sint' Agnes versmaedt

Klinck-dicht opte Name Agnes.

DEes' onbesproocken Maecht tuicht met haer eygen name
Wat, o ghi Christ'nen, si u opperste Cieraet,
En dat zulx uitterlijck niet int opproncken staet,
Maer dat de zuyverheyt u innerlijck betame.

Het is u Bruidegom die u hier toe bequame

Maeckt door zijn zuivre bloet, twelck hi u nutten laet
Int badt des We'ergeboorts, jae met noch volder maet
Schenckt doorgaens, om zijn Bruyt te maecken aengename.

Siet dat ghi zulx neemt waer, en nae des Dichters zin

V kuis end' onbevleckt houdt van de vuilicheden
Des werelts, en des vleischs, end' off u niet te min

Yet mensch'lix overquaem, berou, gelooff, gebeden,

Boetvaerdicheyt stell' u met Godt we'erom te vreden:
Doorleest, doorgrondt dit Boeck, end' oeffent u hierin.

I.D.G.