✠ Waer in dat sy opt water varen
Dat xxV. Capittel.
DAer sijn eenderhande boomen int lant die welcke heeten ygaywera, dies booms scalen lossen sy gans of van bouen aen tot beneden toe maken besonder ghestelt ront om den boom heenen, om die schael gans ende heel af te cryghen, daer na nemen si die schale ende dragen se wten gheberchte bijder zee, heytense met vier, legghense achter ende voor hooch op, binden swerte houten in midden daer onder ende ouer, datsy niet wyder en worden, maken naeckers daer af, daer in haerder XXX. varen connen ten crijch die schale is eenen duym dick, wel vier voet is die wijde xl. voeten lanck, sommighe langer sommighe oock corter, sie seluen roeyen si seer gheringe ende lichtueerdich duere, varen daer mede so verre als sy willen als die zee ontstelt is door onweer trecken sy die naeckers opt lant, tot dat wederom goet weer wort, si en varen ouer twee mijlen niet inder zee, maer lanc den lande heenen varen sy verre.
Auteursrechtvrij