Hoe sy haer verlouen.
Dat XX. Capittel.
SY verlouen haer dochters als sy noch ionck sijn ende als sy groot worden dat si tot vrouwen gebruycken crijghen oft comen, snijden sy haer dat hayr vanden hoofde, scrabben haer eenen besonderlijcken snede inden rugge, binden haer somge wilde dieretanden aen den hals, daer nae alst haer weer gewassen is, ende die sneden toe ghewassen sijn soo sietmen euen wel dat teeken vanden snede, wandt sy doen daer wat in daer mede dat swert blijft alst toe geheylt is, dat houden si voor een eer, als si sulcke cerimonien geeynt sijn, daer nae leueren sijse ouer diese hebben sal, en maken gheen sonderlinghe cerimonien.
Man ende wijf houden haer oock ghebuerlijck, maken haer dinghen heymelijck. Item ick heb oock ghesien dat een ouerste van haer by tijden des merghens vroech door alle hutten ghinck ende crabde die kinderen met eenen scherpen vischtant inden beenen, om haer daer mede sorchfuldich te
Auteursrechtvrij