Wat regiment ende ordinantie sy hebben metter ouerheyt ende rechten.
Dat xiij. Capittel.
SY en hebben sonderlinge gheen regiment, ofte recht, elck hutte heeft eenen ouersten, die is haer Coninck, want alle haer ouersten syn van eenen geslachte, een gebieden ende regiment, men mach daer af maken datmen wil, het mach hem die een wat meer gebruyct hebben in oorloge oft Crijchs-handel, dat hy in dier wijse meer gebots heeft dan een ander, als sy ten crijch trecken, ghelijck als die ghewelde Konian Bebe, anders en heb ick gheen sonderlick recht onder haer vernomen, dan dat die ioncxste de outste ghehoorsaem syn te doen dat hare seden mede brengt. Als yemant den anderen verslaet oft schiet sijn vrienden bereyt dien wederom te dooden, hoe wel dat selden ghebeurt. Oock sijn si den ouersten haer der hutten gehoorsaem wat die yemanden heet, dat doet hy sonder eenich bedwanc oft vreese, dan alleen wt den goeden wille.
Auteursrechtvrij