Uvaerachtige Historie ende beschrijuinge eens Landts in America gheleghen, wiens inwoonders Wilt, Naect, seer godtloos, ende wreede Menscheneeters zijn

Hoe dat sy haer hutten ende stocketten maken.
Dat .V. Capittel.

SY maken een staecketsel om die hutten heenen van palmen hout oft van boomen, die clieuen sy van een, Dat staecket is wel anderhalf vademen hooghe, ende maeckent soo dichte dat ghenen pijl daer tusschen door comen en conde.

[fol. I2v]

Sy hebben cleyne schietghaetkens daer in sy door wt schieten. Ende om dat staecketsel

henen maken se noch een ander staket van grooten staken, maer si en setten die staken niet vast by malcanderen, maer wel also datter geen mensche ende can door ghecruypen, ende hebben sommighe die maniere dat si die hoofden vanden genen die si geten hebben op die staecketsels steken voor aen den inganc vander hutten.