Nieuwe gheestelijcke refereynen ende liedekens

Een gheestelijck Liedeken dienende ter selver feesten:

Op de wijse, C'est pour vous belle Dame.

HOe wel soo moetet lusten,
Een hert dat dient met rusten,
Den Heer der Heeren groot:
Want waer ghy soeckt genuchten,
Gheen blijschap sonder suchten,

[p. 8]

 

Wellust en can niet baten,

 

t'Gheselschap moetdy laten

 

Als ghy sult sterven ras

 

Courtiseren en wel praten

 

Pourmeneren lancx der straten

 

En comt dan niet te pas.

 

Den rijckdom kan niet staene,

 

Die schoonheyt moet vergaene

 

In alsoo corter tijt:

 

Die doot die compt seer saene,

 

Cort is des levens baene,

 

Och Heer gheeft my respijt.

 

Wy sterven sekerlijcke,

 

Wie wy zijn arm en rijcke,

 

Dus raed ick yeghelijcke,

 

Leert sterven gheestelijcke

 

Als ghy noch zijt ghesont.

 

Ghy hertekens ionck van iaeren,

 

Ick weet het sal v vaeren

 

Te derven die werelt soet,

 

Nochtans en laet niet vaeren

 

Den moet: volght mijn verclaren,

 

Keert v tot Iesum goet.

 

Hy sal v mildelijcke,

 

Hier naermaels maecken rijcke

 

Voer den aerbeyt die ghy doet:

 

En loonen eeuwichlijcke

 

Daer boven int Hemelrijcke,

 

Met d'onverganckelijck goet.

 

En volght niet die beminnen,

 

Verganckelijcke dinghen,

 

En maecken al goet chier:

 

Sy triumpheren en singhen,

 

Sy dansen en sy springhen,

 

Sy hebben hen willeken hier

 

O lacen en wacharmen,

 

Eer lang sy sullen kermen,

[p. 9]

 

Als compt den lesten dach:

 

Wilt Godt dan niet ontfermen,

 

Ter hellen sullen sy swermen,

 

En roepen: o wie o wach.

Godt gheve hem zijn ghenade

Kennis van zijn misdaden
Die dit liedeken eerstmael sanck
Hy wilt v allen raden
Die werelt te versmaden
Ghy sullet hem weten danck.