Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 415]
| |
345[regelnummer]
Dat daer lach inden lande
Om te wrekene Gods viande.
Doen den goeden man des dochte
Dat hi niet ghenesen en mochte /
Woude hi sijn siele bewaren.
350[regelnummer]
Een goet pert hadde hi / twaren /
Dat beval hi / alsict daer las /
Enen sinen neve die bi hem was /
Dat hi dat vercopen soude /
En̄ tghelt om die Gods houde
355[regelnummer]
Den armen voer sijn siele gheven.
Dus es die ridder doet bleven.
En̄ die neve hielt dat peert /
Dat vele ghelts was weert /
En̄ hilter sijn ghelaet mede /
360[regelnummer]
En̄ vergat al sijns oems bede.
Doen hi dus in behaghelheden
Enen tijt tpeert hadde ghereden /
Quam die viant metter vaert /
En̄ droech henen man en̄ paert.
365[regelnummer]
Dus bleef die neve verloren daer.
Hier ane machmen leren / voer waer /
Datmen altoes boven al
Testament wel ghelden sal /
En̄ smenschen utersten wille
370[regelnummer]
Voldoen sal lude en̄ stille.
En̄ wet dat God gherne wreect
Aen hen daert ane ghebreect /
Oft si vallen in groter noet /
Oft haer kinder bidden broet.
375[regelnummer]
Alse die gheest wt vaert /
| |
[pagina 416]
| |
En̄ hem waent hebben bewaert /
Mids sinen vrient dien hi al
Den orber sire zielen beval /
En̄ die vrient dat niet en doet
380[regelnummer]
Dat hi hem beval en̄ loet /
So gheeft die gheest dan wrake
Over hem van dier sake.
En̄ wet dat Hem Onse Here
Daer om belghet harde sere /
385[regelnummer]
En̄ dat Hi dat sere wreect /
Alsic vore hebbe ontdect;
Want die meeste ontrouwe es
Die sijn mach / sijts gewes;
Want gheen vrient en es so goet
390[regelnummer]
Als die ghetruwe es nader doet.
Ghi / executore / dan
Neemt exemple hier an /
En̄ voldoet dan in tijt
Daer ghi met gheladen sijt /
395[regelnummer]
So dat u en doe ghenen hinder /
Als ghijt minst moedt hier of ghinder.
Men heeft in langhen stonden
Van .ij. dinghen luttel vonden /
Deen sijn ghetruwe mombore /
400[regelnummer]
Dander ghetruwe executoreGa naar voetnoot1.
Die Kerken goet en̄ Heylich Gheest
Berechten en̄ hanteren meest /
Hebben selden / alsict vant /
Van scoude gheruumt dlant;
405[regelnummer]
Maer haer kinder / sonder waen /
| |
[pagina 417]
| |
Sietmen dat te quiste gaen /
En̄ van des gheliken / des sijt vroet /
Die berechten der stat goet /
Daer ic vore af hebbe gheseyt
410[regelnummer]
Een deel der waerheyt.
In segghe dan niet / dat
Ic enGa naar voetnoot1 hebbe in enegher stat
Van allen den vonden
Goede liede in vele stonden /
415[regelnummer]
En̄ quade en̄ goede ghemene:
Dit kent God / Onse Here / allene /
Die elken mensche sal gheven
Van dat hi heeft bedreven.
|