Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–Een byspel van enen here die enen cloester overlast dede. C. III.HEt was wilen een groet here /
220[regelnummer]
Die dicke versuchte sere
Om eene abdie die hem stoet /
Dier hi dicke nam haer goet /
En̄ verteret vroech en̄ spade /
Als een tyran sonder ghenade.
225[regelnummer]
Die abt om dese sake
Was sere tonghemake /
En̄ die monke / wats ghesciet /
Sine dorstent weren niet.
Doen dit langhe hadde ghestaen /
| |
[pagina 411]
| |
230[regelnummer]
En̄ tcloester te nieute soude gaen /
En̄ gheen troest daer ane en was /
Droech trovent over een das /
Dat si Gode aenroepen souden
En̄ sonderlinghen dienst Hem houden /
235[regelnummer]
Dat Hise moeste vertroesten
En̄ van dien tyran verloesten;
Also dat si om dese dinghen
Een scone processie ghinghen /
En̄ songhen die letanien
240[regelnummer]
Gode teeren en̄ Sinte Marien /
En̄ baden Gode met herten dan
Dat Hise verloeste vanden tyran.
Die abt dede messe daer /
En̄ daer hi stont voer den outaer /
245[regelnummer]
En̄ ghemaect dat Sacrament /
Daer God selve in es bekent /
Sach hi en̄ wort gheware
Dat aldaer bi den outare
Een galghe stont / in ware dinc /
250[regelnummer]
Daer die selve here aen hinc
Om sine kele met enen strop /
En̄ een Inghel sat daer op
Met enen swerde / min no mee
Alse den strop te slane ontwee /
255[regelnummer]
En̄ daer een putte onder stont
Die te male was sonder gront.
Doen die abt dese dinc sach /
Riep die abt: slach! Inghel / slach!
Dat Sacrament antworde schiere:
260[regelnummer]
En wetti niet dat ic soe diere
| |
[pagina 412]
| |
Cochte en̄ om so groten scat /
Dat ic node verliese dat?
Te hant na dese dinc doen
Verghinc weder dat visioen.
265[regelnummer]
Als dabt sijn messe hadde gheint /
Dede hi te samen sijn covent /
En̄ vertrac hen allen voert
Dat hi ghesien hadde en̄ ghehoeret.
Doen die here dit vernam /
270[regelnummer]
Wel haestelike hi daer quam /
En̄ beterde harde saen
Al dat hi hadde mesdaen /
En̄ dancte God / Onsen Here /
En̄ diende Hem voert meer.
275[regelnummer]
Elc mensche mach proeven wel
En̄ merken aen dit bispel /
Dat nieman om eneghe sake
Gode en sal bidden om wrake;
Want God harde node begheeft
280[regelnummer]
Dat Hi so diere ghecocht heeft /
Niet met goude no met ertschen goede /
Maer met sinen pretiosen bloede
En̄ met sire ghebenedider doet /
Daer Hi ons met halp uter noet.
285[regelnummer]
Hoe soude so sot sijn enech man /
Dat hi soude bidden enen man
Dat hi sinen kindren dade quaet?
Also es dit / dat verstaet.
God es onser alre vader /
290[regelnummer]
En̄ wi sijn kindere alle gader /
En̄ verbeydt vriendelike
| |
[pagina 413]
| |
Onser mesdaet daghelike.
Daer om enGa naar voetnoot1 souden wi beyden niet
Den ghenen daer ons af messciet /
295[regelnummer]
En̄ oec vergheven / des sijt vroet /
Alse God / Onse Here / doet?
Also wi vergheven / sal Hi
Ons vergheven / sonder twi /
Also Hi selve inder waerheyt
300[regelnummer]
Inden Pater noster seyt.
|
|