Nederlandsche gedichten uit de veertiende eeuw van Jan van Boendale, Hein van Aken e.a.

[p. 391]

Hoe en̄ van wien die Heyden en̄ die Yoden weder verwonnen selen werden, en̄ van Antkersts gheboerte. C. XII.

NU alst Onsen Here dunct tijt /
En̄ Hi ghenoech ghecastijt
Heeft die Hi wilt behouden
In sire ewigher vrouden /
En̄ vriende gheproeft heeft fijn
Die int ghelove bleven sijn /
So sal Hi daer toe verkiesen dan
Enen ridder / enen vromen man /
Die op ene corte stonde sal
Dese quadijen verslaen al /
En̄ al te nieute bringhen
Hen en̄ al haer dinghen.
Dit sal sijn die selve Constans /
Die ic u voer noemde thans /
Daer vrouwe Tyburcina af seyt
So meneghe scone vromecheyt.
Dat sal sijn die selve hant /
Daer ic vore af dede becant /
Die wt Ethyopen soude comen
Der eren Gods te vromen /
Comen van vrouwe Cusech /
Alsic u vore hebbe gheset /
Die coninc sal sijn vrome
Beyde van Grieken en̄ van Rome.
Dese sal Heyden en̄ Ioden mede
Bringhen toter Kerstenhede /
En̄ sijn regnatie sal daer

[p. 392]

 

Staen meer dan hondert jaer /

 

Alse die vrouwe Tyburcina

 

Hier voer sprac / alsic versta.

 

Aldus droeghen si int ghemeen

1025

Redelijc wale over een

 

Vrouwe Sibilla en̄ Methodotius /

 

In hare boeken las ict¹ aldus.

 

In deser tijt / alsijt lesen /

 

Sal Antkerst gheboren wesen.

1030

Dit woert Antkerst luudt also

 

Alse contrarien Cristo.

 

Alle boeken / sijt seker dies /

 

Noemenen sone des verlies;

 

Want verlies / jammer en̄ discoert

1035

Sal hi maken weder en̄ voert /

 

En̄ al ertrike besmetten

 

En̄ in werringhen setten.

 

In Babylonien sal hi

 

Gheboren werden / lesen wi.

1040

Babylonien bediedt den huse

 

Daer altoes in woent confuse;

 

Want confuse en̄ onghenade

 

Selen hem volghen vroech en̄ spade.

 

Cristus / wi lesen van Hem /

1045

Wert gheboren in Bedlehem.

 

Bedlehem bediedt al bloet

 

Thuys daer in es dat broet;

 

Want dat levende broet vercoren

 

Wert in Bedlehem gheboren /

1050

Cristus / van eenre maget fijn /

1 Hs. boeken alsict aldus.

[p. 393]

 

Die niet edelre en mochte sijn /

 

En̄ Antkerst van enen wive /

 

Onreyne en̄ hoere van live.

 

Cristus quam om des volx behoude /

1055

Antkerst omdat hijt bederven soude;

 

Daer om mach hi / sijt seker dies /

 

Wel heten sone des verlies;

 

Want hi sal verdoemt bliven /

 

En̄ tfolc in doemsel driven.

1060

Methodotius scrijft van hem /

 

Dat hi in Corozaim

 

Gheboren sal werden / en̄ daer na

 

Opghevoedt in Betsayda /

 

En̄ regneren na dat

1065

In Capharnaon der stat.

 

Corozaim / verstaet wel /

 

Bediedt Babylonia / en̄ niet el.

 

Babylonien sal te dien tiden

 

In haer selven zeere verbliden /

1070

Om dat dese / also ic las /

 

Binnen haer gheboren was.

 

Bethsayda sal verbliden des /

 

Omdat hi daer opghehouden es.

 

En̄ daer om sprac Cristus

1075

In sijn Ewangelie aldus /

 

Alsmen daer spreect van hem:

 

Wee di / Coro zaym /

 

En̄ wee di¹ met / Bethsayda!

 

Wet dat Capharnaon volghet na:

1080

Al² werdi gheclommen / dat wet wel /

1 Hs. die.

2 Hs. dat.

[p. 394]

 

Tote daer boven inden hemel /

 

Ghi soudt nochtan vallen weder

 

Tote inder hellen neder.

 

Die Ewangelie seyt aldus /

1085

Die selve sprac Ihesus Cristus /

 

Die selve es die waerheyt /

 

Also sijn heylighe mont seyt.