Nederlandsche gedichten uit de veertiende eeuw van Jan van Boendale, Hein van Aken e.a.

Dat die bisscop van Ludicke met andren vremden heren street jeghen sine ghemeynte. C. VII.

DAer ic tote Antwerpen sat /
En̄ dichte ter selver stat /
En̄ daer hoerdic mare
Dat te Ludicke ghestreden ware
Tusschen die ghemeente en̄ den bisscop /
Die sine liede liepen op /
Daer doet verslaghen bleef dan
Van Valkenborch die vrome man /
En̄ sire liede een groet conroet /
Daer oec aen lach scade groet.
De bisscop liet die heren daer
En̄ trac selve achterwert / dats waer /
En̄ oec die coninc van Byhem /
Die daer comen was met hem /
En̄ graven oec een deel
Lieten die ghemeente gheheel /
Ligghende opt velt /

[p. 377]

 

Ende trocken in haer ghewelt

 

Hier en̄ daer / daer si mochten /

 

Met min eren dan si daer brochten.

 

Doen peynsdic ten yrsten worde

585

Dat dit desen boec toe hoerde

 

(Want dat es in waren saken

 

Een exempel van Gods wraken)

 

Van dat ic inder waerheyt

 

Hier vore vele hebbe gheseyt /

590

Hoe dat die heren altoes souden

 

Haer liede te vriende houden /

 

Ia beyde rike en̄ mate /

 

Dat so ware te haren bate;

 

Want als die ghemeente wert in ruren /

595

En mach hi daer niet jeghen duren;

 

Want in onbescedenheden

 

Willen si alle dinc beleden /

 

En̄ sonderlinghe haren toren /

 

Op die liede wel gheboren;

600

En̄ nerghen niet en mach een here

 

Sijn liede verwerken mere

 

Dan om dat hi / des sijt vroet /

 

Vonnesse no recht en doet /

 

En̄¹ sijns lants en̄ sire stede

605

Preuvilegien breect mede;

 

Nochtan verwerct hi boven al

 

Gode / die swaerlike wreken sal.

 

Houdt u volc te vriende / ghi heren /

 

Sone sal u God no mensche deren /

1 Hs. In.

[p. 378]

610

Indien dat ghi wilt leyden

 

U dinghen met gherechticheyden.