Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijHoe die werelt in .VI. of in .VII. ghedeylt es van dat si began tot dat si eynden sal. C. IV.DIe tijt van desen ertrike /
340[regelnummer]
Daert began sekerlike
Tote daert weder inden sal /
Es in sessen ghedeelt al.
Sulke maken daer .vij. af;
Maer mijn meester mi dus gaf.
345[regelnummer]
Dierste duerde / min no mee /
Van Adame tote Noe;
Van Noe tote Abraham;
Die derde tote Moyses quam /
| |
[pagina 369]
| |
Die vierde tote David den coninc /
350[regelnummer]
Die vijfste tote men Cristum hinc;
Die seste / alsic bewende /
Duert toter werelt inde;
Die .vij. / als een wijs man seyt /
Es hier boven in dewecheyt /
355[regelnummer]
Daert en daget no en deemt /
Noch nemmermeer inde en nemt.
In desen sessen besonder
So wracht God sonderlinghe wonder.
Aldus sijn wi / des seker sijt /
360[regelnummer]
Inden alder lesten tijt
Daer dese werelt in moet inden.
Dan mach nieman anders vinden;
Maer nieman en mach / sonder waen /
Weten hoe langhe si sal staen.
365[regelnummer]
Maer wet / also ict vinde /
Dat die tijt es biden inde
Bi vele redenen die ic u
Daer toe wille vertrecken nu.
Daer om souden wi met alder macht
370[regelnummer]
Op onse hoede sijn dach en̄ nacht
Ieghen dat comen sal die dach /
Die gheen mensche ontslien en mach.
Waect / seyt Onse Here in die Scrifture /
Want ghine hebt tijt noch ure.
375[regelnummer]
Ter yrster ewen / alsict versta /
Volget die meeste wrake na;
Dat was metten watre / als ghi
Hier vore horet seggen mi /
En̄ die swaerste wrake van allen
| |
[pagina 370]
| |
380[regelnummer]
Sal in die leste eewe ghevallen /
Ia sware dan alle die
Vormaels ghevielen ye /
Ia danGa naar voetnoot1 si alle te samen waren /
Alsic hier namaels sal openbaren.
|
|