Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 367]
| |
En̄ het sal dleste sijn / sonder waen /
Dat op ertrike sal staen.
En̄ so wanneer dat te nieute gaet /
Sal kerstenheyt sijn in crancken staet /
295[regelnummer]
Also ic vore al te hant
In dierste boeke dede becant.
Dat grote ryke van Babilone /
Dat so langhe stont en̄ so scone /
Hoe jammerlijc dat wort gheint /
300[regelnummer]
Alsmen in distorien vint.
Merct dat Nembrochs gheslachte /
Dat Moyses metter Gods crachte
Te also groter eren brachte /
En̄ daer God oec om wrachte
305[regelnummer]
Also menech teken groet
Van miraculen al bloet /
Der welker ryke voer waer
Duerde meer dan .M. jaer.
Nochtan wert te nieute bracht
310[regelnummer]
Mids tsRoemsche rijke macht.
Dat rijke van Egypten / dat wet /
En̄ van Machedonien met /
Dese stonden alle sekerlike
Ieghen dat Roemsche ryke /
315[regelnummer]
En̄ si worden ghedestrueert
En̄ alle te nieute ghekeert.
Sint dat Roemsche rijc began
En was noyt rijc voert an
Datter jeghen woude kiven
320[regelnummer]
En moeste verwonnen bliven/
En̄ het sal oec dat leste wesen /
| |
[pagina 368]
| |
Also wi in vele boeken lesen.
Tkeyserrijc sijn beghin nam
Doen Cristus op ertrike quam /
325[regelnummer]
En̄ die heylighe Kerke / meer no min /
Nam met Cristo haer beghin;
En̄ dese .ij. / sonder waen /
Duren also lange als ertrike sal staen /
En̄ als deen valt / dat wet /
330[regelnummer]
So sal dander vallen met.
Dat sal wesen / twaren /
Als hem Antkerst sal baren;
Dan sal beyde clerc en̄ leec
Int ghelove sijn harde weec.
335[regelnummer]
Daer na ic hier segghen sal
Groet jammer sonder ghetal /
Also ict vant bescreven /
Daer elc mensche af mach beven.
|
|