Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–Van .II. coninghen die regneren selen. C. XXII.AL hebbic voer gheseyt u
Dat ic achter woude laten nu
1920[regelnummer]
Alle die coninghe / also wi lesen /
Die tote Antkerst selen wesen /
Ic wille u segghen nochtan
Van hem tween / alsic best can /
Die naest voer hem selen sijn /
1925[regelnummer]
Also ic las int Latijn.
Onder alle dandre ghemeen /
So sal die leste sonder een
Van eender siden sekerlike
Gheboren sijn wt Vrancrike.
| |
[pagina 353]
| |
1930[regelnummer]
Sijn name / als Sibilla doet bekinnen /
Sal op een E. beghinnen.
In dier tijt / als Sibilla seyt /
Sal dbeghin sijn alder jammerheyt /
Soe dat sulc jammer voer dien
1935[regelnummer]
In ertrike nie en wart ghesien;
Het selen sijn in dien tiden
Vele orloghe en̄ strijden /
En̄ bloetstortinghen mede
Also groet in menegher stede.
1940[regelnummer]
En̄ dan sal menech lant
Den vianden gaen in hant /
En̄ nieman en sal hem dorren
Ieghen die viande porren;
Want God sal dan swaerlike
1945[regelnummer]
Sijn plaghe doen op ertrike.
Rome sal met scarpen swerden
Aenvochten ende ghewonnen werden.
Die mensche selen leven dan
Alse ongheloveghe man;
1950[regelnummer]
En̄ meest princen en̄ prelate /
Die nu sijn van hoghen state /
Selen gapen alse ghiere;
Verraders en̄ persemiere
En selen hem niet scamen
1955[regelnummer]
Hare sonden en̄ hare blamen.
Wie dat goets ghewint meere
Sal winnen die meeste eere.
Die arme salmen versmaden /
En̄ voerdeel doen den quaden /
| |
[pagina 354]
| |
1960[regelnummer]
En̄ die verheffen en̄ voert truckenGa naar voetnoot1 /
En̄ die onnosele verdrucken.
Seker nu dunct mi wel des
Dat die tijt nu comen es /
Alsic u hier nae wel segghen sal
1965[regelnummer]
Alst tijt en̄ stede hebben sal.
Dese coninc daer ic af nu
Hier te segghene began u /
Hi sal in sinen stonden
So swaerlijc wreeken die sonden
1970[regelnummer]
En̄ die valscheyt van ertrike /
Dat nie en was des ghelike.
En̄ dese / also ghi moghet horen /
Sal wt Vrancrike sijn gheboren
Van eenre partyen / min no mee /
1975[regelnummer]
En̄ sinen name sal beghinnen een E /
Als ghijt moghet verstaen.
En̄ hier na sal opstaen
Een coninc wide becant /
Die Constant sal sijn ghenant /
1980[regelnummer]
Die coninc sal sijn / dat wet /
Van Romen ende van Grieken met.
Hij sal groet en̄ scone sijn /
Ende hebben een claer aenschijn /
En̄ oec so selen alle sijn lede
1985[regelnummer]
Wel gheformeert sijn mede /
En̄ sijn rijke sal duren daer
.C. en̄ .XXXII. jaer.
Aldus heeft / dat ghijt wet /
Dese wise vrouwe gheset.
| |
[pagina 355]
| |
1990[regelnummer]
Oec seyt si dat ertrike
Wesen sal also rijcke /
En̄ oec sal in dien daghen
Dlant also vele vruchten draghen /
Datmen een mudde corens over al
1995[regelnummer]
Om enen penninc copen sal.
En̄ dese coninc sal voer hem vueren
Den staet der Scrifturen.
Die coninc der Romeren
Sal nu recupereren
2000[regelnummer]
Dat keyserrijc en̄ winnen weder.
Dese coninc sal werpen ter neder
Der heydene lant en̄ stede
Met wel groter moghenthede /
En̄ breken der afgode tempel
2005[regelnummer]
Tenen eweliken exempel /
En̄ die heydene also leren
Dat si ten doepsel selen keren.
En̄ in allen templen sal hi aldus
Op doen setten tcruce Ihesus Cristus /
2010[regelnummer]
En̄ die dat niet en aenbeden /
Sal hi doen doden opter steden.
Nu sal die prophetie vallen waer
Die daer voer over menech jaer
Die coninc David hadde doen weten /
2015[regelnummer]
En̄ daere toe andre propheten /
Die claer sijn en̄ open /
Dat een hant van Ethyopen
Van Gode sal comen
Te hulpen en̄ te vromen.
2020[regelnummer]
Dit en verstaen alle die liede
| |
[pagina 356]
| |
Niet wel in sinen bediede;
Want si segghen dat dese hant
Sal sijn dat Egypten lant /
Dat Gode sal staen in staden
2025[regelnummer]
En̄ der kerstenheyt ontladen;
Dat wederseghet aldus
Die goede Methodotius /
Die bisscop was en̄ sterven woude
Martelare doer Cristus houde /
2030[regelnummer]
Also als ict hebbe ghelesen.
Nu hoert dan voert van desen.
Dierste boec nempt hier insel:
Hoeret hier des anders beghinsel.
|
|