Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijNoch vanden selven. C. XXI.TOten Romeynen seydse voert:
‘Dese vijfste sonne bediedt voert
Dat God sal hierna
Lereren verkiesen in Galylea /
1830[regelnummer]
Die HiGa naar voetnoot1 inde werelt over al
Om te predeken wt sinden sal /
En̄ dat ghelove leren /
En̄ die sondaren bekeren.
Der sester sonnen bedieden
1835[regelnummer]
Toent / dat comen selen vele liede
Die dese stat selen zwaer
.VI. maende en̄ .iij. jaer
Besitten en̄ vechten an /
Dat costen sal meneghen man.
| |
[pagina 350]
| |
1840[regelnummer]
Die zevende bediedt / sonder waen /
Dat .iij. coninghe selen opstaen /
Die vele plaghen en̄ manslachte
Maken selen met hare machte /
Om dat si met hartijen groet
1845[regelnummer]
Den Gods Sone brachten ter doet.
Die .VIII. sonne vele leert
Dat Rome sal worden ghedestrueert /
Daer men wonder groet sal scouwen
Van jammer aen die vrouwen /
1850[regelnummer]
Die dan met kindre selen gaen.
Die .IX. sonne doet ons verstaen
Dat die Roemsche princen saen
Met groter macht selen opstaen /
En̄ werken sonderlinghe wonder /
1855[regelnummer]
En bringhen meneghen tonder.
Dan selen .ij. coninghe daer na
Porren te hant wt Sythia
Met vele volx / min no mee /
Also dat sant leghet in die zee /
1860[regelnummer]
En̄ selen die Roemsche steden
Winnen met groter moghentheden /
En̄ dat Roemsche rike al alsoe
Tote Calcidotia daertoe;
En̄ dan sal / verstaet al bloet /
1865[regelnummer]
Die bloetstortinghe sijn so groet /
Want dlant van Orienten al
Dan verwonnen wesen sal.
Hier na selen opstaen te hant
.II. coninghe wt Egypten lant /
1870[regelnummer]
En̄ selen .iiij. coninghe bestaen /
| |
[pagina 351]
| |
Die welke si doet selen slaen /
En̄ al haer volc daer toe met.
Dese .ij. coninghe / dat ghijt wet /
Selen dus regeren daer
1875[regelnummer]
Die .vj. maent en̄ .iij. jaer.
Daer na sal een coninc comen
Te groter baten en̄ te vromen /
Die welke in sinen tiden
Mechtich sal sijn in striden /
1880[regelnummer]
En̄ wettich in al sijn saken /
En̄ sal Gode enen tempel maken /
En̄ vernuwen Gods ghebode /
En̄ vonnesse doen om Gode.’
Aldus / als ghi hier hoert /
1885[regelnummer]
So gaet dese vrouwe voert
Van coninc te coninc alsoe /
Toten quaden Antkerst toe /
En̄ wie quaet sal sijn en̄ vroet /
Wie veckeert en̄ wie goet.
1890[regelnummer]
Maer si en noemt die namen niet
In dit boec / also ghi siet.
Daer om sal icse te desen tiden
Metten minsten over liden.
Maer van elken name / dat wet /
1895[regelnummer]
Heeft si dierste littere gheset:
Selc stont .i. A / selc stont .i. B /
Selc stont .i. L / selc stont .i. P /
So datmen niet en can daer bi
Gheweten welc haer namen si;
1900[regelnummer]
Maer alle die ghene / dat verstaet /
Die onwettich waren en̄ quaet /
| |
[pagina 352]
| |
Quamen allen te quaden inde /
Alse God sine wrake sinde /
En̄ verloren qualijc haer leven /
1905[regelnummer]
Of si worden haers lants verdreven.
Ay / edele heren van ertrike /
Leydt u leven so wijsselike
Met gherechticheden / dat ghi
Van Gods wraken blijft vrij!
1910[regelnummer]
God en eyscht u ander goet
Dan ghi sinen volke recht doet
En̄ elken ghescreven wet;
Want daer toe sidi gheset.
En doedijs niet tallen daghen /
1915[regelnummer]
Seker God die sal u plaghen
Als ghijs minst sijt op u hoede.
Die hier om peynst / dats die vroede.
|
|