Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijHoe Sibilla die .IX. sonnen exponeert. C. XX.DOen die portren saghen ane
Der vrouwen scone ghedane /
En̄ van seden so volmaect /
En̄ van spraken so gheraect /
1610[regelnummer]
En̄ dat si vele sprac van dien
Dat namaels soude ghescien /
Quamen die oude senatoren /
Daer ic af seyde te voren /
En̄ spraken dus tote hare:
1615[regelnummer]
‘Vrouwe / wi werden wel gheware
Dat ghi wijs sijt en̄ scone /
En̄ alder dogheden ghewone:
Wi bidden ende versueken aen u
Dat ghi wilt ontbinden nu
1620[regelnummer]
Enen droem / dien wi alle sagen
Op enen nacht daer wi laghen /
Ende watter af gescien mach.’
Die vrouwe antworde mettien:
‘En waer recht no eersam mede
1625[regelnummer]
Dat ic in dese onrenne stede
Outbinden soude en̄ weten doen
Die godlike visioen.
| |
[pagina 343]
| |
Laet ons op ghenen berch gaen /
Die ghinder buten es ghestaen /
1630[regelnummer]
Daer sal ic u cont maken al
Wat der Roemscher stat ghescien sal.’
En̄ stappans so ghinghen si aldaer.
Doen vertrocken si al claer
Dvisione dat si hadden ghesien.
1635[regelnummer]
Die vrouwe antworde mettien:
‘Die .ix. sonnen die ghi saghet
Doen ghi in uwen slape laghet /
Die also onghelike waren /
Bedieden gheslechten / twaren /
1640[regelnummer]
Die comen selen sekerlike
Van leven harde onghelike /
Also ghi nu hier saen
Van mi moghet verstaen.
Dierste sonne van desen
1645[regelnummer]
Selen eenrande lude wesen /
Simpel en̄ suver van binnen /
En̄ die de waerheit selen minnen /
Saechtmoedech en̄ goedertieren /
En̄ die arme selen hanteren
1650[regelnummer]
Vriendelijc / spade en̄ vroe /
En̄ wijs sijn daer toe.
Die ander sonne doet bediedenGa naar voetnoot1:
Daer na selen comen lieden
Die met groter eersamheden
1655[regelnummer]
Hier haer leven souden leden /
En̄ minnen harde zere
Enen God / enen Here /
| |
[pagina 344]
| |
En̄ houden also hare seden
In gherechter gherechticheden.
1660[regelnummer]
Die derde sonne bediedt dat /
Dat binnen Rome der stat
Volc jeghen volc sal opstaen /
En̄ elc anderen sal verslaen.
Der vierder sonnen bedieden
1665[regelnummer]
Es / dat comen selen vele lieden
Die de werelt selen begheven /
En̄ leyden een valsch leven.
In desen tiden sal opstaen
Een Ioedsch wijf wel ghedaen /
1670[regelnummer]
Sonderlinghe met Gode bequame.
Maria sal sijn haer name;
Haer brudegoem / suldi weten /
Sal Ioseph sijn gheheten.
Begorden sal si een kint /
1675[regelnummer]
Sonder eneghen man bekint;
Vanden Heylighen Gheest sal si
Dat kint ontfaen / gheloves mi /
En̄ sal die Gods Sone sijn:
(Ihesus sal sijn name sijn.)
1680[regelnummer]
Maghet sal si tkint ontsaen /
En̄ maghet bliven / sonder waen.
Dat van Gode sal sijn gheboren
Sal die Gods Sone sijn vercoren /
God en̄ mensche waerlike;
1685[regelnummer]
Sonder eynde sal sijn sijn rike /
Also alst die propheten
Te voren hadden doen te weten.
Hi sal oec / dat ghijt wet /
| |
[pagina 345]
| |
Vervullen die Ioedsche wet.
1690[regelnummer]
Die van haer sal sijn gheboren
Salmen dinglen singhen horen
In beyden siden scone en̄ hoe:
Gloria in excelsis Deo.
Nu waren daer te dier stede
1695[regelnummer]
Ioedsche papen comen mede /
Die met hoverden groet
Spraken toter vrouwen bloet:
‘Vrouwe / ghine soudt / wats ghesciet /
Dese worden hier segghen niet.
1700[regelnummer]
Laet varen ende swighet des /
Want niet goet te horen en es.’
Sibilla antworde te desen:
‘Ghi Ioden / het sals noet wesen
Dat gheboren sal werden dit kint.
1705[regelnummer]
Maer ghine sulles gheloven twint;
Want ghi sult Hem contrarie sijn /
Dat ghi wel sult doen in schijn.’
Die Ioden antwerden: ‘wats ghesciet /
Hem en selen wi gheloven niet;
1710[regelnummer]
Want God gaf wilen ere
Onsen vorders / onse here /
Een testament / een wet /
Daer bi dat wi worden met
Gheregeert al onse leven.
1715[regelnummer]
Die en selen wi niet begheven;
Die wet selen wi houden voert an /
En̄ gheen ander nemen an.’
Doen antwerde daer na
Die wise vrouwe Sibilla:
| |
[pagina 346]
| |
1720[regelnummer]
‘Die hemelsche God / twaren /
Sal sinen ewighen Sone baren
Ghewarech God en fijn /
Die den Vader ghelijc sal sijn /
Gheboren vander maghet Marien /
1725[regelnummer]
Die wassen sal en̄ dijen /
Alse menschen kindre pleghen.
Ghi Ioden sulter nijt hebben jeghen.
In desen tiden sal regeren
Keyser Augustus met groter eren
1730[regelnummer]
Binnen Rome moghentlike /
En̄ here sijn van al ertrike /
En̄ dan sal pays en̄ vrede
In ertrike sijn telker stede;
Want die Here des vreden sal
1735[regelnummer]
Met Hem pays bringhen over al
Met sinen godliken bedwanghe.
Maer ghi Ioden / en sal niet duren langhe /
Ghi Ioden / bi des Gods machte
Sal bederft werden u gheslachte.
1740[regelnummer]
Nochtan sal dit sijn u God /
Die Abrahamme dit ghebot
Vander besnidenessen / dat wet /
En̄ Moysesse gaf die wet.
Der Gode en sal sijn / dat wet /
1745[regelnummer]
Vele noch oec luttel met /
Noch drie noch twee:
Hets een God en̄ nemmee /
Die onbegripelijc es al
En̄ ewelijc regeren sal /
1750[regelnummer]
Die met sire wijsheyt diep
| |
[pagina 347]
| |
Hemel / sonne en̄ mane sciep /
En̄ daer toe al / des sijt gewes /
Dat inden hemel en̄ op erde es.
Dat sal sijn een Here der heren.
1755[regelnummer]
Alle die desen God eren /
Selen met Hem ewelike
Wonen in sijn rike.
Hi sal die dode doen opstaen
En̄ die cropele recht doen gaen /
1760[regelnummer]
Dove horende / blinde siende / twaren /
Doen spreken die stom waren;
Den meneghen sal Hi beraden;
Van .V. broden sal Hi saden
.Vm. menschen / dat es waer /
1765[regelnummer]
Te relieve salmen opdoen daer
.XII. corve / min no mee;
Hi sal chissen winter en̄ snee
Met enen worde / sonder waen /
En̄ droeghe over die zee gaen;
1770[regelnummer]
Vele onghemake sal Hi verdriven
Beyde aen manne en̄ aen wiven;
Hi sal doen lude ende stille
Al dat Hi doen wille.
En̄ als al dit es ghevallen /
1775[regelnummer]
Sal die wet sijn volmaect met allen;
Dan sal dat Ioedsche paepscappe
Ieghen Hem vallen met clappe /
En̄ selen raet hebben saen
Dat sine selen doen vaen /
1780[regelnummer]
En̄ spuwen in sijn scone aenschijn
Plecken vulder als venijn.
| |
[pagina 348]
| |
Hi sal bieden rugghe en̄ hals
Den quaden Ioden / fel en̄ valsch /
Tot meneghen swaren slaghe /
1785[regelnummer]
Die Hi goetlijc sal verdraghen /
En̄ en spreken niet een woert.
Cronen selen sine voert
Met eenre dornen crone /
Ia den Here vanden trone /
1790[regelnummer]
En̄ Hem oec bieden in felder wijse
Galle tote eenre spisen /
En̄ te sinen drancke asijn /
(Dit sal emmer seker sijn) /
En̄ aen een hout doen hangen dan /
1795[regelnummer]
Daer Hi doet sal bliven an /
En̄ sterven daer ter stede
Om der menschen salichede.
Tseyl in den tempel dat sal
Overmids dan scoren al /
1800[regelnummer]
En̄ het sal doncker werden
Over al opter eerden.
Den lichame salmen doen af /
En̄ dien legghen in een graf;
En̄ dan sal Hi / te waren /
1805[regelnummer]
Stappans ter hellen varen /
En̄ sine vriende telivereren /
En̄ weder int graf keren;
En̄ sterdesdages weder opstaen
Ia met ziele en̄ met live / sonder waen /
1810[regelnummer]
En̄ sinen jonghren vertoghen /
Des si zere selen verhoghen.
En̄ daerna si toe selen sien
| |
[pagina 349]
| |
Dat Hi opten hemel sal vlien /
Daer Hi wonen sal ewelike
1815[regelnummer]
Sonder inde in sijn rike.
En̄ anders en es God gheen
Dan dese eweghe God alleen.
Die Ioden selen segghen van mi
Dac ic een Sibille valsch si
1820[regelnummer]
En̄ uten sinne altemale /
Om dat ic segghe dese tale.
Maer alse dese dinghen selen ghescien /
So salmen wel merken en̄ sien
Dat ic de waerheyt propheteerde /
1825[regelnummer]
Alsoet mi God Onse Here leerde.’
|
|