Nederlandsche gedichten uit de veertiende eeuw van Jan van Boendale, Hein van Aken e.a.

Dat die van Lemborch te Woeronc bleven en̄ vele heren te Cortrijc. C. X.

NU merct voert die hoghe gheslachte
Van Lemborch / van so groter machte /

[p. 311]

 

Diet al hadden in haer bedwanc

685

Tusschen der Masen en̄ den Rijn lanc /

 

Die soe groet van moede waren

 

Dat si nieman en wouden sparen /

 

Hoese God met sire wraken scarp

 

Te Woeronc al ter neder warp /

690

Ia in midden haers selfs lant /

 

Mids den hertoghe van Brabant /

 

Wien si met crachte wouden

 

Sinen coep voerhouden /

 

Dien hi wettelijc / sonder waen /

695

Op dlant van Limborch had ghedaen.

 

Aldus so moet al onghelijc

 

Int leste vallen inden slijc.

 

Ghi moghet oec merken des ghelike

 

Dat voermaels vore Cortrike /

700

Daer die beste van Drankelant /

 

Van Artoys en̄ van Brabant /

 

En̄ daer toe van andren landen

 

Doet bleven in groter scanden /

 

Onghevalliglijc / des sijt vroet /

705

Vore ene cleyne ghemeynte te voet;

 

Ghelijc alsmen vincken vaet

 

Daer men dat net over slaet /

 

Also bleven si doet / te waren /

 

Doen sijs minst in hoeden waren.