Nederlandsche gedichten uit de veertiende eeuw van Jan van Boendale, Hein van Aken e.a.

Hoe des paeus macht en̄ des keysers macht niet ghesceden en selen sijn. C. VI.

PApen / leke ende clerken /
Dese sijn alle Gods ghewerken /
Ende die God alder lieffte heeft
Dats die minst in sonden leeft;
Die hi in sine minne meest vint
Wet dat hi dien meest mint /
Niet den ghenen / dat ghijt wet /
Die inder meester eeren set.
Die God die den hemel sciep /
Sciep mede dese werelt diep;
En̄ die de sonne sciep / dat wet /
Sciep oec die mane daer met;
En̄ die oec sciep den man /
Sciep dat wijf mede dan;
En̄ die den hoechsten sciep daer toe /
Sciep den nedersten oec also.
Aldus heeft na sijn ghehinc
Een God ghescapen alle dinc /
En̄ hine versmaedt gheen van desen;
Want si alle sijn creaturen wesen.
Cristus ons .ij. zwerde liet /
Doen Hi van ertrike sciet;
Deen es in spaeus macht /

[p. 303]

 

Dander in skeysers gehacht /

 

En̄ dese .ij. en moghen niet

 

Ghesceden sijn / wats ghesciet;

460

Want als dese .ij. discorderen /

 

Mach haer die kerke wel ververen.

 

Die Roemsche aer en mach niet

 

Met enen vloghel vlieghen yet /

 

Noch Peters sceppelken / sonder waen /

465

En mach oec niet rechte gaen

 

Met enen rieme sonder mee

 

In dese felle welde zee /

 

Daer so meneghe grote vlaghe

 

In porret en̄ ruert alle daghe /

470

Daer noch een rieme wel toe hoert /

 

Sal dat sceppelken rechte voert.

 

Daerom sijn si qualike bedacht

 

Die skeysers swert en̄ sijn macht

 

Onder voete willen bringhen;

475

Want die Kerke en conste bedwinghen

 

Metten banne hare viande

 

Die sitten in meneghen lande;

 

Want skeysers swert / des sijt gewes /

 

Der heyligher Kerken kimpe es

480

Ieghen Heydene en̄ Saresine

 

Ende jeghen quade kerstine /

 

Die samen souden plechten

 

En̄ die heylighe Kerke anevechten /

 

Die luttel souden gheven dan

485

Om der Roemscher kerken ban.