Nederlandsche gedichten uit de veertiende eeuw van Jan van Boendale, Hein van Aken e.a.

[p. 304]

Hoe God den keyser gheeert heeft. C. VII.

DOen die Gods Sone van hemelrike
Mensche quam in ertrike /
Eerde¹ die Here goedertieren
Troemsche rike in vele manieren;
Dier Hi .ij. toende / alsir vernam:
Dierste als Hi op ertrike quam /
En̄ dander doen Hi henen keerde /
Daer Hi trike sere met eerde.
Dierste dat Hi met Hem brachte /
Mids sire godliker crachte /
In elc lant / in elke stede /
Dat was pays / raste en̄ vrede;
Want en was in sire gheboert
Nerghens orloghe no discoert /
Daer Hi met bewijsde claer
Dat Hi smenschen raste waer /
En̄ dat raste en ware ghene
Anders dan in Hem allene.
Dander ere die Hi dede
In sire comst den keyser mede /
Dat was dat Hi also saen
Skeysers cheynse dede onderdaen;
Want elc mensche / inder werelt wijt /
Moeste den keyser ter selver tijt
Cheyns gheven / en̄ in desen
Woude Hi oec onderdaen wesen.
En̄ doen Hi henen soude keren /

1 Hs. Eer.

[p. 305]

 

Woude Hi oec den keyser eren

 

In .ij. manieren / alse ghi

515

Nu horen segghen moghet mi.

 

Daer Cristus stont in vierscaren¹/

 

Sprac hem Pylatus aen dare:

 

‘En wetti niet dat ic macht heb u

 

Te crucen op dat ic wille nu /

520

En̄ dat ic u oec mach laten gaen?’

 

Onse Here antwerde saen:

 

‘Dune hads gheen macht in mi

 

En waert van boven niet verleent di.’

 

Dats van Gode en̄ oec van

525

Den keyser / van wies weghen dan

 

Pylatus daer als rechter sat

 

In des keysers dinghestat.

 

Dats deen poent van desen tween.

 

Nu hoert hier noch een.

530

Doen die apostelen spraken / twaren /

 

Dat daer .ij. swerde waren /

 

Antwerde Cristus openbaer

 

Dat daer mede gnoech waer:

 

Daer ghenoech es daer en ghebreert niet.

535

Dit bedieden hier af besiet.

 

Soe toende God metten monde sijn

 

Dat .ij. regemente souden sijn:

 

Deen gheet inder gheestelicheyt /

 

Dats dat ane die ziele gheyt /

540

Dat behoret den paeusen toe.

 

Dander zwert / ic lese soe /

 

Gheet aen goet / aen lijf / aen lede /

1 Hs. .iiij. scaren.

[p. 306]

 

En̄ hoert toe der werlichede /

 

Dat so steet in skeysers macht.

545

Dus so heeft God selve gehacht /

 

En̄ gheordineert al.

 

Sict wie dit breken sal:

 

Wie dat nedert dese moghentheyt /

 

Wet dat hi Cristum wederseyt;

550

Want God sprac selve hier ave

 

Datmen den keyser tsine gave /

 

En̄ Gode tsine oec mede.

 

Dit es seker waerhede.