Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 300]
| |
Vanden Paeus en̄ vanden Keyser. C. V.HEt was een cardinale hier te voren
Die wi Iacob noemen horen /
Vander Colunpnen / alsic las /
375[regelnummer]
Bi den paeus Bonefatius was /
Soude messe doen als hi dede
Te Viterven in die stede.
Daer vant hi enen mesboec doe
Die spaeus capellen hoerde toe /
380[regelnummer]
En̄ als hi quam toten stede
Daer hi messe in dede /
Daer die kerke doet ghebede
Voer paeuse en̄ voer keyser mede /
En̄ voer dat heylighe kerstenhede /
385[regelnummer]
Also als es die sede /
En̄ als men in andren boeken pliet /
EnGa naar voetnoot1 vant hi daer den keyser niet.
In wonder wart hi doen ghekeert
Die goede man / en̄ te barenteert /
390[regelnummer]
Dat hi skeysers memorie daer
Niet en vant alse elwaer.
Hine conste niet gheweten
Oft die scriver hadde vergheten /
En̄ oft al willens ghedaen was.
395[regelnummer]
In groten wonder was hi das.
Doen die goede man dat had vonden /
Pennsde hi dus ten selven stonden
Dat doude joedsche paepscap
| |
[pagina 301]
| |
Vergaen soude / en̄ werden slap
400[regelnummer]
Om hare sonden en̄ tonder ghedaen /
En̄ een nuwe paepscap opstaen.
Doen si wroeghden Onsen Here /
Riepen si lude ende sere
Voer Pylatus dese dinc:
405[regelnummer]
‘Wine hebben andren coninc
Dan den keyser allene.’
Dat riep tpaepscap ghemene;
Want dat heerscap was met allen
Tier tijt den joden ontfallen.
410[regelnummer]
‘Ach / duchte die goede man doe /
Die tijt sal comen toe
Dat dechterste paepscap segghen sal:
‘Wine hebben coninc / groet no smal /
Dan den paeus onsen here!
415[regelnummer]
Aylacen / wat groter zere
En̄ wat jammerliker wraken
Sal dan der clergien naken /
Alsijt daer toe hebben bracht
Dat die keyser es sonder macht!
420[regelnummer]
Dan sal ertrike na desen
Staen in wel groter vresen /
Dat noyt sulc jammer vore dien
Onder djoetscap en wart ghesien
Als sijn sal in kerstenhede
425[regelnummer]
Om des paepscaps ghierechede.
Des paeus macht en̄ sinen ban
Selen luttel helpen dan /
Alse die macht vanden zwerde
Ghejaghet es hare veerde /
| |
[pagina 302]
| |
430[regelnummer]
En̄ die clergie wilt ghemene
Ertrike berechten allene /
En̄ die keyserlike moghenthede
Werpen wt hare steden.
|
|