Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–Hoe die prelaten en̄ papen staen na der werelt goet. C. IV.INt beghin der heyligher Kerken /
Also als wijt bescreven merken /
En hadden die papen hier no gheins
335[regelnummer]
Lant / renten / erve no cheins.
Sine hadden niet te levene af
Meer dan men hem om Gode gaf /
Om dat si Gods woerde leerden
Daer si die sondaren met bekeerden /
340[regelnummer]
Tote dat keyser Constantijn
En̄ Helena / die moeder sijn /
| |
[pagina 299]
| |
Der kerken orloven wouden
Dat si proper houden sonden.
Sint hebben si hen bewest
345[regelnummer]
Oest / zuyt / noert en̄ west /
Dat terdendeel van ertrike
Hem toe hoert rivelike.
En̄ wet dat si daer na poghen
Hoe sijt al ghecrighen moghen.
350[regelnummer]
En̄ gheedt dus voert / sonder wanc
Si hebbent al / breet en̄ lanc;
Want si der werelt heerscapien
Trecken te hare partyen.
Ia / sal ic die waerheyt lesen /
355[regelnummer]
Si salen saen willen wesen
Paeus en̄ Keyser / hoe dat gaet /
Eest datment niet en wederstaet /
En̄ selen dat keyserlike recht
En̄ dat Roemsche rijke echt
360[regelnummer]
Na haer saken / na haer ghevoech:
Ghebrekes yet / datsGa naar voetnoot1 hem leet gnoech.
En̄ eest dat voert aldus gheyt /
Dat doet der leker simpelheyt /
Die niet en weten noch en versien
365[regelnummer]
Watter namaels af mocht ghescien.
Maer so wanneer dat ghesciet /
So salmen so groet verdriet
En̄ jammer sien in ertrike
Dat noyt en was dies ghelike /
370[regelnummer]
Also alsic u hier naer
Segghen sal int openbaer.
|
|