Nederlandsche gedichten uit de veertiende eeuw van Jan van Boendale, Hein van Aken e.a.

[p. t.o. 287]

Het boec vander Wraken.
bladzyde 48, recto.
Hss uit de Bodleaansche bibl. van Oxford
PHOTOLITHOGRAPHIE PROCÉDÉS ASSER ET TOOVEY
Imp. Simoneau & Toovey, Brux.

[p. 287]

Het boec vander wraken.aant.

Prologhe.

ALLEN kerstenen menschen /
Die na Gods gratie wenschen /
Gruetic / onnutte knecht /
Van sinne zere plomp en̄ slecht /
Metter gratien van Onsen Here /
Die met Hem duere emmermeere.
Sinte Pauwels seghet / die lerere fijn:
Alle scriften die ghescreven sijn
Sijn tonser leringhen ghescreven /
Dat wi dbeste selen leven
En̄ dat archste selen vlien /
Also wijt ghescreven sien.
Daer om so biddic met trouwen
Hen die dit boec selen scouwen /
Dat si studeren met sinne
Die materie diet heeft inne /
En̄ daer ane willen leren

[p. 288]

 

Kennen die vreese Ons Heren;

 

Want / also ons David seyt /

20

Springt daer wt alle wijsheyt;

 

Want die wt Gods vreesen es

 

Es wt sire hope / sijts ghewes¹.

 

En̄ God soude wreken sonder beyden /

 

En dade sine ontfermecheyde;

25

Want sine wrake sekerlike

 

Menegherande es op ertrike /

 

En̄ comt oec tenen cloppe

 

Als men daer minst mict oppe.

 

God gheve ons sijn vrese also

30

Dat wi ewelijc sijn met Hem vroc.

 

Dit es dboec van Gods wraken.

 

God laet mi wel gheraken /

 

So dat mi nieman en begripe der in.

 

Nu so hoert hier mijn beghin.

1 Het hs. heeft alleen Es wt sire; het overige van den regel is onbeschreven.