Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 247]
| |
3255[regelnummer]
Wat si drincken moghen of eten /
En̄ hebben haer cameren sonderlinghe
Daer si in houden haer wandelinghe /
En̄ des convents goet verteren /
En̄ hoechelike daer met hoveren
3260[regelnummer]
Met haren vrienden en̄ met maghen /
Dan sittet convent en̄ knaghen
Een ey of euen vulen harinc.
Dat en es niet ghelike dinc.
Cranc wermoes / case een luttelkijn /
3265[regelnummer]
Cranc bier hebben si en̄ haer wijn
Die sal sijn vander crancster foren.
Den abt en dunckes niet mere verloren
Dan dat tconvent mach verteren;
Maer selve hebben si haer kelneren
3270[regelnummer]
Wel bewaert met goeden wine /
Den besten die comt vanden Rine:
Dies drincken si vol haer butseel.
Aldus doen si cranc ghedeel
Haren convent / des sijt gewes /
3275[regelnummer]
Dies tgoet altemale es.
En̄ dat convent verdient bat
Die provende / wet wel dat /
Dat alle den laste moet draghen /
Beyde bi nachte en̄ bi daghe /
3280[regelnummer]
In lesene / in singhene / in vroech opstaen /
Alse die der reglen sijn onderdaen /
Daer dat goet om es ghegheven
Daer si alle gader bi leven.
En es sabds niet allene /
3285[regelnummer]
Maer het es al tsconvents ghemene.
| |
[pagina 248]
| |
Die abdt die soude altoes sijn
In sijnre moncke aenschijn
Ten dormtre / ten reeftre en̄ ten chore /
So dat si sien mochten en̄ horen
3290[regelnummer]
Haers abds volmaecte seden
Van dogheden en̄ van oetmoedecheden /
En̄ na dan volghen sinen state.
Aldus souden doen prelate.
Doen God Onse Here waerlike
3295[regelnummer]
Met sinen jongheren ghinc op ertrike /
En hadde hi camer no spise allene /
Maer het was al ghemene
Dat si hadden / vroech en̄ spade /
En̄ sijn lere en̄ sijn predicade
3300[regelnummer]
Was ghereet met sueten woerden
Van dinghen die ter zielen hoerden.
Hine scheen niet der andre here /
Maer haer knecht scheen hi mere /
En̄ te dienene was hi ghereyt /
3305[regelnummer]
Also hi in dEwangelie seyt.
Maer des selfs si nu missen
Beyde die adde en̄ die abdissen /
Die verteren nacht ende dach
So watmen den convente afbreken mach.
3310[regelnummer]
Ic vruchte dat hem God harde swaer
Ten ordele sal verwiten / daer
Hi elken loen sal gheven
Van dat hi hier heeft bedreven.
|
|