Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–Noch vanden wiven. C. XXXII.ALle die meesters / te waren /
Die vore onsen tiden waren /
Die scrifturen in boeken legghen /
2725[regelnummer]
Si scriven alle ende segghen
Vander wive onghestadechede /
En̄ van hare onghetruwecheyt mede;
En̄ oec seget een meester van hem dat
Si es allene reyne die nyeman bat.
2730[regelnummer]
Menech man oec / dat verstaet /
Spreect van eens anders wive quaet /
Die swighen soude en̄ en spreken niet
Wiste hi wat hi thuus liet;
Want menech man wilt seker sijn
2735[regelnummer]
Dat sijn wijf es reyne en fijn /
Die luttel weet vander mare
Die heymelike loept van hare.
Daer om en sal nemmermere
Man sijn wijf prisen te sere;
2740[regelnummer]
Want men harde nauwe heelt
Sulke spele die men speelt.
Dat es wel een ghelukkech man
Die een wijf wel dwinghen can /
Dat si vreedsam / vroet si en̄ renne:
2745[regelnummer]
Van honderden esser cume eyne
| |
[pagina 230]
| |
Die dese .iij. poenten heeft wel.
Het dunct meneghen man spel
Een wijf te nemene metter wet:
Hi es meer in davonture gheset
2750[regelnummer]
Dan die over zee vaert striden.
Dien arbeyt mach hi gheliden /
En̄ mach daer ere hebben ave;
Maer valt sijn wijf ongave /
So valt hi in vernoye groet
2755[regelnummer]
Tote datse sceedt de doet.
Wilt hise oec met allen laten /
So willene die papen verwaten /
En̄ segghen sijn ziele es verloren.
Neemt hise weder so heeft hi toren /
2760[regelnummer]
En̄ verliest sijn ziele en̄ sijn lijf /
En̄ blijft daer toe een keytijf
Al sijn leven / hoe dat gaet /
En̄ en weet sijns ghenen raet.
Maer ic segghe dat sekerlike:
2765[regelnummer]
Wie dat es in huwelike
En̄ verduldechlike goet en̄ quaet
Nemt dat hem over gaet /
Dat hi loens bejaghet mere
Dan een monc of een clusenere;
2770[regelnummer]
Want des nachts so sijn si
Doch van castimente vry /
Maer die man werdt ghecastijt
Nacht en̄ dach / in alre tijt;
Sine penitentie duert vaste
2775[regelnummer]
Nacht en̄ dach / sonder raste.
Nochtan soude dwijs altoes staen
| |
[pagina 231]
| |
Tote smans dienste / sonder waen /
En hem onderdanech sijn met trouwen
(Dat es trecht van goeden vrouwen) /
2780[regelnummer]
En̄ met haren live sijn ghereet
Alse men tijt en̄ stede weet:
Dan es hare gheneGa naar voetnoot1 onnere /
Want hijs hare voeght en̄ hare here.
En̄ daer bi so moet die man
2785[regelnummer]
Altoes vore wesen dan
Als men dat werke werken sal /
Daer bi steet die werelt al /
Dat behoert ten huwelike /
Dien God maecte van hemelrike /
2790[regelnummer]
Daermen die werelt meerret mede
Nader menscheliker naturen sede.
En̄ wie so dat anders dade /
Wrachte jeghen der naturen rade /
Dies hem God belghet / sonder wanc /
2795[regelnummer]
Want hire .ij. stede om verdranc.
Dat die vrouwe tsmans dienstwijf es /
Moghedi daer ane oec sijn gewes
Dat si draghende blijft dat kint
Dat de man selve wint /
2800[regelnummer]
En̄ beydt haers tijts met vresen groet
In avonturen vander doet;
En̄ alst ter werelt heeft sijn leven /
Moet si hem sijn voetsel gheven /
En̄ blijft in hare hoeden mede
2805[regelnummer]
Met sorghen en̄ met arbede
Tote dat hem ghehelpen can.
| |
[pagina 232]
| |
Alles des so es die man
Van rechte quite en̄ ontladen /
En̄ dat wijf si moet draghen
2810[regelnummer]
Die sorghe en̄ den last allene
Vanden kinde groet en̄ clene.
Die man hi es sekerlike
Here en̄ voeght van ertrike /
En̄ heeft al in sijn bedwanc
2815[regelnummer]
Deser werelt ommeganc.
En̄ datter in es / quaet en̄ goet /
Es al onder des mans voet;
En̄ alle creaturen vlien
Den man / want sine alle ontsien:
2820[regelnummer]
Van sinen aensichte hem ververen
Wolve / leewe / serpente / beren.
God heeft den man ghegheven
Grote gracie in dit leven /
Wijsheyt / coenheyt en̄ starchede /
2825[regelnummer]
Daer si die werelt houden mede:
Dese .iij. te samen en heeft
Ghene creature die leeft
Dan die man / sijt seker des /
Die allene voeght der werelt es /
2830[regelnummer]
En̄ edel boven alle dinghen
Die ter werelt ye lijf ontfinghen.
Dat toende God harde wale
Doen hi in Marien zale
Mans vorme nam an /
2835[regelnummer]
Daer hi den viant mede verwan.
|
|