Nederlandsche gedichten uit de veertiende eeuw van Jan van Boendale, Hein van Aken e.a.

[p. 226]

Vander wive selsenheyt en̄ dat si sijn onder den man. C. XXXI.

IAn / ic hebbe menech woert
Vander wive selsenheyt ghehoert.
Ic bidde u / op dats u niet en verdriet /
Dat ghi mi daer af wilt segghen yet;
Want vele meesters van haren seden
Scriven grote selsenheden.

Wouter / daer af willic u dan

Segghen een luttel / so ic best can.
Dwijf es van naturen loes /
Vrecke en̄ ghierech altoes /
Onvreedsam en̄ onghestadech /
Wrakelech en̄ onghenadech
Over den ghenen dien si haet.
Haer hoverde es onghemaet /
En̄ die can si qualike so besluten
Men wertere gheware van buten;
En̄ meneghen wive dunct des
Dat hare ghelike niet en es /
En̄ wilt gheeert sijn / vroech en̄ spade /
En̄ als men haer des niet en dade /
Dat soude haer duncken grote smade.
Van sinne sijn si onghestade /
En̄ haer lachen en̄ haer gheween
Dat leghet beyde bi een.
Kijnsch sijn si en̄ ongheleert /
En̄ met haren worden saen ghekeert /
En̄ saen gheloven si datmen hen seyt;

[p. 227]

 

Daer om es den wiven ontseyt

 

Te comene tot vroeden rade /

 

Beyde in hoven ende in stade:

2660

Hare ghetughe en heeft macht enghene /

 

En̄ si en mach oec niet allene

 

Nieman vermomboren / also die wet

 

En̄ dlantrecht heeft gheset;

 

En̄ prelatye oec mede /

2665

Om hare onghewarechede.

 

Ridderscap en̄ priesterscap met /

 

Dese sijn hen beyde ontset.

 

Gherne vernemen si vele /

 

Eest in ernste of in spele /

2670

Weder het si quaet of goet /

 

En̄ onlanghe / des sijt vroet /

 

Helen sijt si en segghent voert /

 

Al waert een diefte of een moert.

 

Daer om en sal hem nieman bevelen

2675

Dinghen diemen wille helen;

 

Want daer af groet verdriet

 

Menech werven es ghesciet /

 

Om datmen wiven gaf te verstane

 

Heymelijcheyt daer macht lach ane.

2680

Dwijf begheert oec sonderlinghe

 

Scoenheyt boven alle dinghe /

 

En̄ daer toe grote sierhede

 

Beyde om thoeft en̄ om die lede /

 

En̄ daer op verheft si haer sere

2685

En̄ wilt beter sijn vele mere

 

Als si die sierheyt heeft an /

 

Dan doe si thuus sat en̄ span.

[p. 228]

 

Dat wijf boven al scoenheyt begheert:

 

Dat moghedi merken / want si smeert

2690

Haer aenschijn en̄ hare ghedane

 

Anders dan God maecte daer ane /

 

En̄ maken hoerne twee

 

Ghelijc enen stommen vee /

 

En̄ enen sleyp na haren ganc /

2695

Oft waer een steert / .ij. ellen lanc.

 

Dits wonder boven alle saken

 

Dat aenschijn aldus maken /

 

Beestelike vorme aen haren lichame /

 

Menscheliker naturen te blame.

2700

Dwijf heeft oec te meneghen stonden

 

Harde scalke rade vonden /

 

Maer sine weet niet wel al

 

Hoe dat sise¹ vervolghen sal;

 

Want si en blijft niet in enen ghedachte

2705

Tfierendeel van eenre nachte.

 

En̄ sonderlinghe es si blide dan

 

Als si bedrieghen mach den man;

 

Ende hoe si hogher es in state ghekeert

 

Soe si meer daer in glorieert /

2710

En̄ daer na set si sere hare /

 

Alsoet wel schijnt hier en̄ dare;

 

Want die wijste die ye hadden leven

 

Daden si swaerlike sneven

 

In scennessen en̄ in swaren sonden /

2715

Alsi noch doen in onsen stonden.

 

Maer dats iammer / sonder verdrach /

 

Dat enech bose wijf mach

1 Hs. sine.

[p. 229]

 

Eneghen goeden man also verleyden

 

Ute sire beschedenheyden /

2720

Dat hi lijf / ziele / ere ende goet

 

Om haren wille verliesen moet.