Nederlandsche gedichten uit de veertiende eeuw van Jan van Boendale, Hein van Aken e.a.

Vanden .VII. hoeft sonden. C. XXX.

NU willic u te hant vermonden
Al hier die .VII. hoeft sonden:
Hoverde / oncuuscheyt / nidecheyt /
Vrecheyt / manslacht / gramscap / gulsecheyt.
Ute desen zevenen allene
Spruten alle hartheden ghemene /
Maer hoverde en̄ ghierecheyt sijn
Van hen allen dquaetste fenijn;
Want alle quaetheyt daer wt springt /
En̄ es met nidecheden gheminght.
En̄ die de twee heeft inden sen
Draghet den derden over hem;
En̄ hi die den nijt draeght /
Hi werdt daer selve af gheknaeght:
Men derf hem niet meer vloeke gheven
Dan datmen hem bidt om lanc leven;

[p. 225]

2600

Want so die nideghe langher leeft /

 

So hi meer sijns onwillen heeft;

 

Aldus so en werdt sijn torment

 

Niegherinc nemmermeer gheent

 

Voer sine doet noch daer naer.

2605

Dat ic u segghe dat es waer.

 

En̄ des es hi wel weert /

 

Om dat hem in sijn herte deert

 

Dat enen andren goet ghesciet /

 

Dat hem en cost no en scaedt niet /

2610

Noch noyt hem gheen arch en dede.

 

In sie gheen meerre onsalichede.

 

En̄ dese nijt es bina

 

Al ghemeyne / alsic versta /

 

In alle dese werelt wijt /

2615

En̄ heeft gheweest in alder tijt

 

Vanden yrsten beghinne /

 

Alsic u voer gaf te kinne.

 

En̄ dat es swaer elken man /

 

Dat nieman gheweten en can

2620

Wie hem nijt draghet ofte en doet

 

Alse hi es in voerspoet /

 

Hoe vrient datmen hem schijnt;

 

Want dats om niet ghepijnt.

 

Wie in voerspoede of in ghelucke steet /

2625

Hi heeft niders meer dan hi weet /

 

Die sijn vriende schinen nochtan.

 

Daer om seget een wijs man:

 

Hoedt u meer ieghen vrients nijt

 

Dan voer viants laghe talre tijt.