Nederlandsche gedichten uit de veertiende eeuw van Jan van Boendale, Hein van Aken e.a.

Van groter doeght des priesterscaeps en̄ des maghedoems. C. XXVI.

SIet / Wouter / in allen cleden
Machmen goet leven leden:
In bont / in gruen / in roet / in blaeu /
Also wel als in wit of in graeu;
Die cappe en maect niet den monc /
Noch die mutse den canonc;
In wide caprune no in inghe mede
En leghet ghene salichede.
Maer so wie in weerlijc abijt
Willen leyden haren tijt /
En̄ ontrecken haren lichame
Van sonden en̄ van blame /
Verdienen loens vele mere
Dan monke ofte clusenere
Die uter werelt sijn ghetoghen /
En̄ die sien noch horen en moghen
Dinc en ghene diese wert
Ten sonden of van Gode trect /
En̄ oec wt allen sorghen sijn ghespleten
Daermen Gods met mach vergheten.

[p. 212]

 

Maer die Scrifture prijst sonderlinghe

2215

Van state van levene .ij. dinghe:

 

Dierste es priesterscap / dander maghedoem /

 

Diese can draghen sonder roem.

 

Priesterscap prijst men om tgone

 

Dat Cristus / die Gods Sone /

2220

Dierste priester was bekent

 

Die ye maecte sacrament /

 

En̄ dat alle priesters voert

 

Van hem houden die vijf woert /

 

En̄ om dat si maken volcomelike

2225

Den lichame Gods van hemelrike /

 

Die hen ghemaect heeft en̄ ontmaken sal /

 

Des nieman int ghetal

 

Vanden inglen macht en heeft.

 

En̄ om dat die priester vergheeft

2230

Die sonden / dit sijn .sijn. saken waer bi

 

Dat priesterscap gheprijst si;

 

En̄ dese saken sijn groet en̄ scone /

 

En̄ spruten wt Cristum den Gods Sone;

 

Want voer Cristum te ghenen stonden

2235

En mochte noyt mensche vergeven sonden /

 

Noch Gods lichame sacreren:

 

Wi moghen hem wel dancken der eren.

 

Den maeghdoem prijst oec die Scrifture /

 

Om dat ene maghet pure

2240

Gode droech sonder blame

 

In haren edelen lichame

 

Boven der naturen aert /

 

Dat voer noch na ghesien en waert;

 

Want hadde edelre yet gheweest

[p. 213]

2245

Dan maghedoem / also men leest /

 

God boven al te voren

 

Hadder af willen sijn gheboren;

 

En̄ want hi dan van hare quam

 

Die ons deeweghe pine benam

2250

En̄ verloeste die menschede /

 

Die helle brac / dien hemel ontdede /

 

So moeten wi maghedoem prisen;

 

En̄ oec in alre wisen

 

Moeten wi die heylige maget eren /

2255

Die moeder es Ons Liefs Heren /

 

En̄ die des oec heeft verdient

 

Dat God es worden onse vrient /

 

Die meer was dan .vj^m. iaer

 

Des menschen viant herde swaer /

2260

So dat sine porte besloten stoet

 

Beyde ieghen quaet en̄ ieghen goet.

 

En̄ al noch alre daghe ghelike

 

Versoent si ons herde vriendelike

 

Voere haren Sone / en̄ bejaeght ons pardoen

2265

Also wi ieghen Hem mesdoen;

 

Want si en laet nieman onverloest

 

Die in hare set sinen troest /

 

Si es ons ghereet in alre tijt:

 

Des moet si sijn ghebenedijt.

2270

Nu hebbic u die sake ghewijst

 

Waer om maghedoem es gheprijst /

 

En̄ oec priesterscap mede

 

Na den staet der gheestelijchede.