Nederlandsche gedichten uit de veertiende eeuw van Jan van Boendale, Hein van Aken e.a.

Van menegherande state des volx. C. XXV.

IAn / tsfolx leven es menegherande
Al over al achter lande /
En̄ leydt menechsens sine vite
In harde menegherande abite /
Om te comene salechlike
Ten eweghen love van hemelrike.
Selc draeght grawe / selc swart / selc wit;
Selc es heremite en̄ en ontbit

[p. 210]

 

Nemmermeer spise die wel smaect /

 

En̄ gaet verdroeght en̄ verspaect /

 

En̄ selc set hem inden staet

 

Dat hi broet bidden gaet /

2160

En̄ wilt daer in verdienen lone;

 

Selc die predect langhe sermone /

 

En̄ wilt daer mede den volke leren

 

Hoe si hen te Gode selen keren;

 

Selc sijn canonke ende papen;

2165

Selc gheneert hem met comenscapen /

 

Dat hem sere werdt te sueren;

 

Want si hen dicke avonturen

 

Om te ghenerene haer lijf

 

En̄ haer kindre en̄ haer wijf;

2170

Selc wint coren en̄ andre vrochte;

 

Selc pleeght andre ambachte /

 

En̄ leghet in huwelijc ghebonden /

 

En̄ sorghet in allen stonden

 

Hoe hi hem sal gheneren

2175

En̄ winnen dat hi sal verteren.

 

Ian / welc van allen desen

 

Dunct u dbeste leven wesen /

 

Gode met te dienen ghewarechlike

 

En̄ om te comene te hemelrike?

2180

Wouter / in alle desen die ghi noemt

 

En blijft so vele volx niet verdoemt /

 

Also der gheenre / diet wille merken /

 

Die tgoet hanteren der heyligher Kerken

 

Die hem niet regeren no en houden

2185

Also si te rechte doen souden.

 

Si en sijn niet allene ghebonden

[p. 211]

 

Te biddene voer haers selfs sonden /

 

Maer voer hen die hebben ghegeven

 

Daelmoesene daer si bi leven;

2190

Si eten en̄ drincken / vroech en̄ spade /

 

Tsfolx sonden en̄ hare mesdade

 

Te haren verdriete ewelike /

 

Die hen niet en houden salichlike.