Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 203]
| |
Dats hi dien God meest mint.
1950[regelnummer]
Maer ic wille u nu berechten
Vanden eyghenen knechten /
En̄ vander edelheyt also voert
Die der werelt toe behoert.
Wouter / nu merct ende besiet:
1955[regelnummer]
Wilen doe dat roemsche diet /
Die van Grieken en̄ van Cartago /
En̄ van anderen landen also
Onderlinghe te vechtene plaghen /
Ia vele meer dan in onsen daghen
1960[regelnummer]
(Want orloghen in ouden tiden
En mochten te nieute niet gheliden /
Deen partye en was so ghevelt
Datse meer thoeft op en helt) /
Doen blees des volx so vele doet
1965[regelnummer]
Datmen maecte doer de noet
Datmen elken vaen soude
Die hem op gheven woude /
So dat tfolc niet te nieute en ghinge;
En̄ de ghene die men dus vinghe
1970[regelnummer]
Souden te eyghenen dienste staen
Den ghenen diene hadde ghevaen /
En̄ oec al dat van hem quame.
Aldus so quam die blame
Vanden eyghendome yrst toe /
1975[regelnummer]
En̄ alse een peert of een coe
Mochte mense ter marct leyden.
En̄ aldus so besceyden
Dus die oude rechten
Dat yrst begonsten dienstknechten.
| |
[pagina 204]
| |
1980[regelnummer]
Men vant hier voertijts wilen ere
Der eyghenre knechte vele mere;
Maer sider dat die lande
Quamen inder kerstene hande /
Hebbense gheoffert de heren
1985[regelnummer]
Der heyligher Kerken Gode teeren;
Want Cristus / onser alre hoeft /
Daer tkersten volc aen gheloeft /
Heeft ons dat ghebot wt ghegeven
Dat wi alse ghebruedere selen leven /
1990[regelnummer]
En̄ elc anderen sal doen / vroech en̄ spade /
Also hi woude datmen hem dade /
En̄ die hem hier houdt voer minder /
Hi sal die meeste wesen ghinder.
|
|