Nederlandsche gedichten uit de veertiende eeuw van Jan van Boendale, Hein van Aken e.a.

Dits vander avonturen. C. XVII.

DAvonture / Ian / wats dat /
Dat daer omme keere dat rat /
Den euen op / den andren neder /
En den sulken heft si op weder/
Oft si dus mach gheven al
Gheval en̄ ongheval /
En̄ alle dinc hier bestiert?
Hoe comt datmen niet en viert
Haren dach en̄ houdt haer ghebot?
Wat / es si minder dan God?

Wouter / mi es lief dat ghi

Des nu hebt vermaent mi;
Want mi heeft langhe int herte gesteken
Dat ic gherne soude spreken
Van avonturen een luttelkijn /
Om some dichters die sijn /
Die asaghen en̄ tureluren
Dichten vander avonturen /
Die niegherinc toe en doghen /
En̄ die oec niet sijn en moghen
Alse dat si gheven soude
Goet en̄ quaet / daer si woude /
Den enen hoecheit / ere ende goet /
Den andren werpen onder voet;
So wat dat si segghen hier af /
Dat en doech niet een caf.

[p. 192]

 

Wouter / lieve vrient / nu hoert:

 

Avonture es maer een woert /

1630

Dat .ix. littren hevet an /

 

Die noyt lijf no gheest en ghewan /

 

Noch noyt nature en ontfinc /

 

Noch wesen van en gheenre dinc.

 

En̄ oft si gheest heeft en̄ leven /

1635

En̄ quaet en̄ goet can gheven /

 

Wat cledre draegt si / berecht mi /

 

Of waer so woent si /

 

Weder inden hemel of in die locht /

 

Of onder derde in enen crocht?

1640

Het sijn al gheviseerde dinghen

 

Dat si aldus voert bringhen /

 

Die niet en doghen een caf.

 

En̄ die anders segghen daer af /

 

Si doen quaet / sijts gewes;

1645

Want God allene alles machtich es

 

Te nemene en̄ oec te ghevene /

 

En̄ doen te stervene en̄ te levene /

 

Alsoet sine wijsheyt ordineert /

 

Diet al houdt en̄ regneert

1650

In hemel / op erde en̄ in de helle:

 

Hi en heves ghenen gheselle.

 

Si twee gaen op ene strate

 

Om een ghewin en̄ om een bate /

 

En̄ deen valt en̄ breect sijn been /

1655

Dander die vindt enen steen

 

Hi es weert .cc. pont /

 

Op ene stede / op ene stont.

 

Waendi dat dit davonture werct?

[p. 193]

 

Neen si niet / diet wel merct:

1660

Het doet al Gods moghenthede /

 

Die ieghenwerdech es telker stede.

 

Dese die daer breect sijn been /

 

En hadde die ghebroken en gheen

 

Het soude lichte anders sijn vergaen /

1665

Of lichte soude hi hebben begaen

 

Meerre mesdaet of meerren toren /

 

Of sijn ziele mocht hi hebben verloren /

 

Of hi hads in eneghen stonden

 

Te voren verdient met sonden.

1670

Dander die den stene vent /

 

Daer hi rijcheyt mede wendt /

 

Dat doet God daer omme:

 

Lichte soude hi als een domme

 

Dinghen aengaen of verkiesen /

1675

Daer hi mede soude verliesen

 

Siele ende lijf / beyde gader.

 

Dus verhuedt die hemelsche Vader

 

Den mensche tallen steden

 

Nader zielen salicheden.

1680

Des ghelijc eest als en̄ als

 

Van hen die breken den hals

 

Ofte in watre verdrincken:

 

Dat doet God / wildijt bedincken /

 

Dat si hem dan sijn ten naesten /

1685

En̄ dan haelt hise metter haesten.

 

God maect meneghen armen rike;

 

Bleve hi arme / hi verlore hemelrike.

 

God maect meneghen riken mate;

 

Bleve hi rike / hi vergate

[p. 194]

1690

Gods in sire welden soe /

 

Hi worde hemelrijx onvroe.

 

Dus ontfarmt Gode talre uren

 

Der crancker menscheliker naturen;

 

Want hijs onse Vader / wi sijn sine kindre /

1695

Hi ghevet al / meerder en̄ minder /

 

Na dat sire wijsheyt dunct / sijts gewes /

 

Dat elken ter sielen best es.

 

Die voert bringhen vise basen

 

Van abonturen / gaen blasen /

1700

Si en gheeft noch en leeft niet:

 

God es diet al versiet /

 

Wies glorie en̄ virtute

 

Nemmermeer en gheet ute.