Nederlandsche gedichten uit de veertiende eeuw van Jan van Boendale, Hein van Aken e.a. (1869)

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert– rechtenstatus

Auteursrechtvrij

Vorige Volgende


Hoe men een stat regeren sal. C. XIV. DIe ene stat wille regeren Merke op die oude heren / 1220[regelnummer] Die Rome wilen teeren brachten Meer met wijsheden dan met crachten. Si gheboden sonderlinghe Te houdene dese .ij. dinghe: Datmen der ghemeynten recht altemale 1225[regelnummer] Vaste hilde ende wale / En̄ des en spaerden ghenen man En̄ ghemeyn orboer sagen an / En̄ dat arme en̄ rike met Smaken souden ghelike wet / 1230[regelnummer] So dat maechscap noch onste Gheen recht ghebreken en conste. Dat ander poent was dat / Wat baten dat toe quam der stat / Datmen dat leyde in sekerre stede /
[pagina 179]
1235[regelnummer] Der stat altoes te hulpene mede / En̄ dat elc om der stat baten Sijns selfs orbore moeste laten / En̄ dat beyde / arme en̄ rike / Houden moesten ghelike 1240[regelnummer] Die coren die de stat gheboet. En̄ hier mede maecten si so groet Die stat van Rome / des gheloeft / Dat si van ertrike was thoeft / En̄ daer toe hadde onder haer bedwanc 1245[regelnummer] Alle der werelt ommeganc. Waert dat nu in desen daghen Die raetsheren noch des plaghen / Si souden een dorp van cleynen dinghen Tot harde groten voerdeel bringhen / 1250[regelnummer] Si en setten nieman tambochten Daer hi toe niet en dochte / Noch si en maecten nieman here Hi en was wel weert sulker ere; Want die sinen vrient set hoech 1255[regelnummer] In heerscap daer hi niet toe en doech / Hi maecter af dan enen sot / En̄ hi es diene meest bespot. So wie die oec na ambacht stoet / Ofte daer om woude gheven goet / 1260[regelnummer] Hem en mochts werden twent; Maer die also was ghesent Dat hi ambacht hadde onwert / Die moest ontfaen / was hijs weert. En̄ dese en stonden twint no deel 1265[regelnummer] Na haers selfs bate no voerdeel /
[pagina 180]
Maer na der stat ere en̄ ghewin Setten si al haren sin / En̄ om te meerderen den scat En̄ den tresoer vander stat 1270[regelnummer] Daer si die werelt dwonghen met. Die ghebode en̄ die wet Die de stat te houdene gheboet / En brac men doer ghenen noet / Maer die hilden al ghelike 1275[regelnummer] Beyde die arme en̄ die rike. Wie verboert den core bat / Ic bids u / berecht mi dat / Dan die ghene diene heeft ghemaect? En̄ eest met recht dat hi smaect 1280[regelnummer] Die pine die hi heeft gheset: In vinde ghene gherechter wet. So wie dat meer aensach Sijn ghewin en̄ sijn beiach Dan die bate vander stede / 1285[regelnummer] Ochte die ghichten nam mede Van yemanne cleyne of groet / Hi wert gheiugeert ter doet; Want ghierecheyt heeft met hare cracht Dicke ieghen gherechticheyt ghewracht. 1290[regelnummer] Dus moesten die raetsmanne leven / Of si moesten swaerlike sneven. Nu willic u van allen desen Fraeye exemple lesen / Die hier voermaels ghescieden 1295[regelnummer] Den goeden ouden roemschen lieden.

Vorige Volgende