Nederlandsche gedichten uit de veertiende eeuw van Jan van Boendale, Hein van Aken e.a.

Melibeus antworde. C. LII.

MElibeus antworde nu:
‘Vrouwe / ghi maect sere besich u
Met uwer talen / si es so lanc /
Ghi singhet al enen sanc;
Om dat u leet es van dien
Dat ic ten orloghe wille tien.
Ia / om dat daer uut rueren
Dinghen die staen ter avonturen.
Vrouwe / waerom streden dan
Wilen so menech man?
Die lof bejagheden en̄ ere
Die hem duren emmermere.

[p. 112]

 

Also men in die Yeesten leest:

 

Seker / hadde striden arch gheweest;

3120

Die goede liede / in haren tiden /

 

En hadden niet willen striden.

 

Daer bi heeft mi wonder dat ghi

 

Dorloghe dus ontraedt mi.