Nederlandsche gedichten uit de veertiende eeuw van Jan van Boendale, Hein van Aken e.a.

Van arghen die comen van orloghen. C. L.

GHeen rijcheyt en es groet ghenoech
Toten orloghe int ghevoech;
Want en es nieman in ertrike
Van ghelde no van goede so rike /
Ten moete al verteert werden /
Wilt hi dorloghe langhe herden.
En̄ so die man / sijts gewes /
Mechtigher en̄ riker es /
So sijn cost meerder sijn moet;
Want wilt hi sparen sijn goet /
So sal dorloghe sonder wanc /
Hebben cleynen voertganc.
Es hi te mate / sone can hi niet
Dorloghe ghehouden / wats ghesciet;
Es hi rijc / so es hi echt
Te meerderen cost / dats sijn recht.
Eest dat dorloghe langhe duert/

[p. 108]

 

So eest dan sere gheavontuert;

 

Hine verliest sine rijcheyde

 

Of dorloghe / of licht beyde /

 

Of licht sijn lijf daertoe /

3005

So heeft hi scande en̄ scade also /

 

En̄ so hi meerder es van namen

 

So men hem spreect meer blamen.

 

En̄ oec voerder loept die mare

 

Marciael spreect openbare:

3010

So hogher staet die man

 

So hi swaerliker vallet dan.