Logo DBNL
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Van Twisten. C. XLV.

 
ELc mensce / wildijs ghetruwen /
 
Sal twist en̄ discort scuwen.
 
Hebdijt jeghen u overhoet
2795
Die u te mechtich es en̄ te groet /
 
So moghedi wel weten te voren
 
Dat ghi die sake hebt verloren.
 
Hebdijt jeghen u ghelike
 
So staet die dinc twifelike;
2800
Hebdijt oec jeghen die ghene
 
Die mate sijn ende clene
 
Soe eest u scande / sidi vroet;
 
Daer om en es niet so goet
 
Als datmen in rusten sal leven
2805
En̄ Gode die wrake op gheven /
 
So bleefdi seker onghehoent;
 
Want hi alle dinc te rechte loent.
 
Een maet man die niet en can
 
Wederstaen den mechteghen man /
2810
Sal wijsselijc daer na gomen
 
Hoe hi te sire vrienscap sal comen:
 
Des en hebt ghene scame;
 
Want ten es ghene blame
 
Den ghenen wiken / sijts gewes /
2815
Die den anderen te mechtich es;
 
Want als hem die mate man stoert
 
Opten mechteghen / wert hi verdoert /
 
En̄ goet verwoedt / nacht en̄ dach /
 
Omdat hijt beteren niet en mach.
2820
Daer om eest bat sine vrome
 
Dat hi te sire vrienscap come /
 
En̄ leve in goeden ghenoeghe /
 
Dan of hi hem selven versloeghe.

Vorige Volgende