Nederlandsche gedichten uit de veertiende eeuw van Jan van Boendale, Hein van Aken e.a.

Melibeus antworde Prudentien. C. XLIV.

MElibeus antworde / en̄ seyde:
Sal ic metter wraken beyden
En̄ icse dan te nieute late /
So naect mi mere ombate /
So selen mine viande echt
Mi doen vele meer onrecht /
En̄ so verstouten dan in dien /

[p. 99]

 

Dat si mi niet en selen ontsien /

 

En̄ om mi niet gheven een aes /

2745

Maer mi houden over dwaes /

 

En̄ oec andere liede met:

 

So benic dan al ontset.

 

Men siet daer ghescreven staen

 

Datmen tbeghin sal weder staen;

2750

Latic doude toten nuwen /

 

Ic duchte dat mi mochte ruwen;

 

Want het sonds so vele werden

 

Dat ics niet en mochte herden.

 

Sulke doechsamheyt es quaet

2755

Die wrake es beter / dat verstaet.

 

Prudentia antworde nu:

 

Also ic voerseyde u

 

Also es noch mine sprake

 

Dat bat toe hoert dese wrake

2760

Den rechter / sijt des vroet /

 

Dant u of anderen lieden doet.

 

Eest dat die rechter recht

 

Scarpelijc / na des lants recht /

 

So selen u viande van desen

2765

Sere ghecastiet wesen /

 

Dat si daer na / dat verstaet /

 

Nemmermeer en doen gheen quaet;

 

En̄ andere liede selen voert an

 

Hem oec castien daer an /

2770

So dat u elc mensche na dat

 

In vreden laten sal te bat.

 

En̄ so en avontuerdi daer met niet

 

Lijs noch goet / dit wel besiet.

[p. 100]

 

Men heeft dicke ghesproken

2775

Dat hi saechte werdet ghewroken /

 

Hi die enen anderen wrect.

 

Melibeus / hier op mect:

 

Oec men ghemenelijc scrijft /

 

Hi wreect qualijc die daer blijft.

2780

Als die rechter wreken vaert /

 

So sijn alle die quadien vervaert

 

En̄ die goede verbliden dan.

 

Wat leter u goet man an

 

Ane die wrake die ghi doen mocht /

2785

Ia en̄ of ghijt oec volbrocht;

 

Want uwe viande / gheloves mi /

 

Sijn vele mechtegher dan ghi.

 

Daer bi dunct mi in desen

 

Dat verdraghen beter wesen;

2790

Want twist en was noyt goet

 

Alsic u sal maken vroet.