Nederlandsche gedichten uit de veertiende eeuw van Jan van Boendale, Hein van Aken e.a.

Vanden ambachte des rechts jeghen wrake. C. XLII.

MElibeus antworde saen:
Ghi gaet mi so soetelijc aen
Met scoenre soeter spraken /
Om dat ic mi vander wraken
Hoeden soude / en̄ niet voert gaen:
En̄ doet mi oec mede verstaen
Vele archs en̄ onvromen /
Die mi daer af mochte comen;
Maer sijt seker wel van dien
Wie dat al woude ontsien /
Dat hi peynsde in sine ghedochte
Wat van wraken comen mochte;
So soude dan / voer waer ghesproken /
Die quaetheyt bliven onghewroken /
Dies met rechte niet sijn en sal /
Want darcheyt waer sonder ghetal.

[p. 94]

 

In allen steden / vroech en̄ spade /

 

Waeret dat men gheen wrake en dade /

2600

Daer bi doet hi grote weldaet

 

Die ter rechter wraken vaet;

 

Want hem dander quadien

 

Daer bi te bat castien /

 

En̄ donnosele om die sake

2605

Sitten te bat met ghemake.

 

Prudentia antworde daer naer:

 

Dat ghi segt / dat es waer /

 

Maer dat en behoert alsoe

 

Nieman dan den rechter toe

2610

Die selen pinen die quadien

 

En̄ van hare quaetheyt castien

 

Na bescedenheyt / sijts gewes /

 

Dat tfayt groet en̄ swaer es /

 

Om dat die quade die dat sien

2615

Hem te mere selen ontsien;

 

Want hi ducht nacht en̄ dach

 

Dat hi in sulc ordele vallen mach.

 

Die rechter diet wel besiet

 

En̄ draghet sweert sonder redene niet /

2620

Maer ter wraken / vroech en̄ spade /

 

Over die mesdadeghe quade /

 

En̄ oec alse een troester der goeder

 

En̄ alse een ghemene behoeder.

 

Goede rechter / houdt dat in dien /

2625

Salmen meer minnen dan ontsien:

 

Men ontsiet den goeden prince niet /

 

Maer den quaden men ontsiet

 

Om sine quaetheyt die hi doet.

[p. 95]

 

Dies maect ons Paulus vroet

2630

Om dat die goede doghet mint /

 

Sone wilt hi mesdoen twint;

 

En̄ die quade en dar mesdoen niet /

 

Om dat hi dat torment ontsiet;

 

Daer om derre ic coenlijc spreken

2635

Dat die rechter scarpelijc wreken

 

Altoes die quaetheden

 

Aen lijf / aen goet en̄ aen leden /

 

En̄ sal des ghedoghen niet

 

Datmen sijn recht versmaedt yet.

2640

Die selve wreect / des sijt vroet /

 

Dat hi den gherechte onrecht doet;

 

Want die wraken / groet en̄ clene /

 

Horen toe den rechtre allene /

 

Noch u niet / noch andren man

2645

Dien tgherechte niet gaet an /

 

Daer bi / here / biddic u

 

Dat ghi ten rechtre gaet nu /

 

En̄ laet hem pleghen ter wraken

 

Na die groetheyt vander saken /

2650

So moeten si bederft bliven

 

En̄ gherekent metten keytiven.

 

So suldi wel uwen wille sien /

 

En̄ wel ghewroken sijn van dien /

 

Sonder uwen cost ende scade:

2655

Dit es dnauste van minen rade.