Nederlandsche gedichten uit de veertiende eeuw van Jan van Boendale, Hein van Aken e.a.

Die sake waer om dat God gaf Melibeus die onraste. C. XLI.

DIe sake / waer bi u God gaf
Dese grote onraste daer af /
En mochten wi weten niet
Die rechte waerheyt/ wats ghesciet /
Niet meer dan wi kinnen
Eens anders herte binnen;
Also Paulus ende propheten met
In haer boeken hebben gheset /
Also en mach van Gods werken
Nieman claer die waerheyt merken.
En si bi moedene na gherake/
En ghesciede niet sonder sake
In alle dese werelt wijt.
En̄ oec / des wel seker sijt /
Dat ic wel houde / in dien
Dat dit God liete ghescien /
Dat het es biden saken al
Die ic u nu vertrecken sal.

[p. 91]

 

Ghine hebt niet ontsien Gode /

 

Noch ghehouden sine ghebode.

2510

En̄ oec uwen evenkersten

 

Hebdi dicke laten ghebersten /

 

Onrecht ghedaen ende ghevreest

 

En̄ altemale uwes selfs gheweest.

 

Melibeus / diet wel bedinct /

2515

Bediedt een man die honich drinct.

 

Des hebdi so vele ghedroncken /

 

Dat ghi daer af sijt al droncken

 

En̄ daer bi / wildijt weten /

 

Dat ghi Gods hadt vergheten

2520

En̄ so verstijft in u rijcheyt /

 

Dat al u dinc es ijdelheyt.

 

En̄ al dat begherden u oghen

 

Dat hebdi hem toe ghetoghen /

 

En̄ hem ghevolghet tallen uren /

2525

En̄ vergheten der Scrifturen /

 

Die ons leert ende doet verstaen

 

Hoe wi souden wederstaen /

 

En̄ steken uut onser herten

 

Altoes der oghen begherten /

2530

Als Ovidius ende Salomoen

 

In haer boeken weten doen.

 

Dat honich / daer ic af seyde /

 

Es der werelt soetecheyde /

 

Daer ghi u toe hebt ghekeert

2535

So dat God op u es verseert.

 

Nu laet ons merken bi gheliken /

 

Hoe God sijn vonnesse sal striken

 

Na dantworde vander mesdaet.

[p. 92]

 

U drie viande / dat verstaet /

2540

Die u huus ane vochten /

 

En̄ met lederen besochten /

 

Dat sijn drie viande starc en̄ loes

 

Die ghi u liet verwinnen altoes /

 

Daer hem elc jeghen hoeden moet

2545

Die te Gode wilt hebben spoet;

 

Want si nacht en̄ dach poghen

 

Hoe si die ziele bedrieghen moghen:

 

Deen es die werelt / dander tvleesch /

 

Die derde / de duvel en̄ sijn eesch.

2550

Dat sijn drie viande / wet wel dan /

 

Die den mensche vechten an.

 

U lichame / daer dese voer striden /

 

Dat es dat huus uwer zielen;

 

Want daer u ziele woent binnen.

2555

Nu wilt dan voert versinnen

 

Die vinsteren / in waren dinghen /

 

Daer dese viande in ghinghen /

 

Dat sijn oghen / nesen en̄ mont

 

Doer dese vinsteren / dat si u cont /

2560

Liden die ghenoechlijcheyden

 

Die Gode die ziele ontleyden /

 

En̄ wondense so swaerlike

 

Dat si verliest hemelrike.

 

Bi uwer dochter / sonder waen /

2565

So moghedi u ziele verstaen

 

Die met vijf wonden ghewont es so /

 

Die mids vijf sinnen comen toe /

 

Dats sien / horen en̄ smaken met /

 

Rieken ende tasten / dat ghijt wet:

[p. 93]

2570

Dit sijn vijf wonden / sijts gewes /

 

Daer uwe riele mede ghequetst es.

 

Dat God daer om liet ghescien

 

Dat ghi ghedencken soudt en̄ aensien

 

Die vijf wonden / in ware dinc /

2575

Die hi doer onsen wille ontfinc /

 

En̄ om uwer dochter mede

 

En̄ om alle menschelijchede /

 

Overmids welken wonden

 

Hi den mensche tallen stonden

2580

Alte gherne behouden soude

 

Dat hi quame te sire ewigher vroude.