Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 88]
| |
Een huus of een stat beset
2420[regelnummer]
Die sijn in vele manieren /
Alsic u sal visieren.
Dat beste besette / als ic scouwe /
Dat sijn goede liede ghetrouwe /
En̄ sonderlinghe / wet wel dat /
2425[regelnummer]
Int besetten van eenre stat;
Want daer toe hoert menech man
En̄ gaet oec hem allen an:
Daer om so vermoghen sijt
Alder best in alre tijt /
2430[regelnummer]
En̄ het is misselijc of ghi
Dit vinden soudt / gheloves mi /
Want ghi hebt u liede dicke verwracht
En̄ op hare vrienscap luttel gheacht
Doen ghi haers niet en bedorste zere.
2435[regelnummer]
Daer om sal elc lants here
Sijns volx weygher sijn in dien:
So mislijc eest / wat mach ghescien /
Want onwillighe liede doghen
Den here luttel in orloghen.
2440[regelnummer]
Der stede rijcheyt es sonder ghetal /
Daer bi prisir boven al
Der poerter eendrachticheyt
Boven alle warisone gheseyt;
En̄ waer porteren discorderen
2445[regelnummer]
Daer gaen si buten hare eren /
Also Tullius boer seghet /
Daer grote wijsheyt in leghet /
Een stat eendrachtich
Es seker onwinnachtich.
| |
[pagina 89]
| |
2450[regelnummer]
Andere gherechte sijn met /
Daer men slote mede beset /
Als vesten / muren ende diken;
Oec bedarf men des gheliken
Springalen / ghescut ende boghen /
2455[regelnummer]
En̄ andere wapene die moghen
Den lichame bescermen daer /
Daer die ziele in sculet voere waer.
Want als men comt ter weren
En machmen des niet ontberen /
2460[regelnummer]
Maer wijs es hi die so leeft
Dat hi des niet te doen en heeft.
Doude wise rieden u met
Also ghi wel horet en̄ wet /
Datmen in desen orbore niet
2465[regelnummer]
Haesten en soude / wats ghesciet;
Maer datmen met goeden staden
Daer op soude wel beraden /
En̄ oec alle dinc bereyden
Met groter voersienecheyden.
2470[regelnummer]
Tullius doet ons verstaen
In allen orboren sonder waen /
Die de mensche wilt aengaen /
So sal hi voer dat bestaen
Ghereescap doen te maken /
2475[regelnummer]
Eer hi beghint die saken;
Want mids onvoersienecheyt
Valt die mensche in menech leyt /
En̄ sonderlinghe / des seker sijt /
Ieghen orloghe ofte strijt /
2480[regelnummer]
So eest wel grote noet
| |
[pagina 90]
| |
Dat die ghereescap si groet:
En̄ die dat voersien connen
Hebben den stryt half verwonnen.
Als men met staden tracteert
2485[regelnummer]
Dinc dat den stride toe hoert
En̄ wijslijc dat ordineert /
So es die dinc wel disponeert;
Sone derf nieman segghen niet
Dat mids onrade yet messciet.
|
|