Logo DBNL
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Van hoverden. C. XXXIX.

 
EEn der yrster creaturen
 
Die de meester der naturen
 
Ie ghesciep en̄ dede werden
 
Viel onvermids hoverden;
2360
En̄ die yrste mensche mede
 
Die God ye ghewerden dede
 
Viel mids hoverden na desen;
 
Want hi waende onsterflijc wesen
 
Ghelijc sinen scepper / sinen God /
2365
Daer hi af hadde sijn ghebot.
 
Aldus es hoverde meer no min
 
Van allen sonde dat beghin /
 
En̄ dat meeste in die archeyt.
 
Ihesus Sydrac seyt:
2370
Die naer fortse en̄ parlement staen /
 
Hare rijcheyt moet cort vergaen.
 
Hoverde can / des sijt gewes /
 
Thuus dat alte rijc es
 
Alte male te nieute maken.
2375
Salomon seyt dese saken:
 
Waer hoverde es / daer omtrent
 
Es altoes twist en̄ parlement /
 
En̄ daer oetmoet es vaste /
 
Daer es altoes wijsheyt en raste1.
2380
Iob spreect dese dinghe:
 
Dat die hoverde op ghinghe
 
Ten hemel na haer ghenoeghe /
 
En̄ haer hoeft ten wolken sloeghe /
 
Nochtan soude si sonder waen
2385
Als onreyne myst onder gaen2.
 
Na dien dat verstaet
 
Dat hoverde es so quaet/
 
So scuwet dan nacht en̄ dach
 
Daer hoverde uut comen mach.
2390
Op uwe torren en hebt niet
 
Ghene hoverde / wats ghesciet;
 
Want starke borghe / des sijt vroet /
 
Sijn dicke gheworpen onder voet.
 
Vander rijcheyt die ic las
2395
Die wilen in Troyen was /
 
Van volke en̄ van machte mede /
 
En̄ dies ghelijc in die stede
 
Van Babyloniën / die was so rijc
 
Men vant niewerinc hare ghelijc;
2400
Maer om die hoverde die daer was inne
 
Altoes vanden yrsten beghinne /
 
So warpse God onder die roede
 
Alsijs minste waren op hare hoede /
 
So dat si worden ghedestruweert
2405
En̄ in asschen al ghekeert.
 
Daer om laet u ghespreken /
 
En̄ die hoverde van u steken;
 
Want die hem op borghe verlaet /
 
Die heeft seker crancken raet;
2410
Want daer alte vele toe hoert /
 
Also ghi wel hebt ghehoert.

Vorige Volgende